VOV4.K’ho - Nàng rcang ala\ jơnau yal tơnggit sền wơl jàu Gơnoar ala mat dà lơgar tàm dơ\ pơrjum dơ\ 2, drim òr (07/10) tàm Hà Nội, anih duh broa\ lơh sa bơh Gơnoar ala mat dà lơgar bơyai lơh pơrjum tơl làm, sền wơl jơnau yal tơnggit sền wơl cồng nha mut lơh broa\ lơh bơtàu tơngguh lơh sa mpồl bơtìan nam 2016 mờ gùng dà broa\ lơh nam 2017, geh jơnau đơs tàm rơndap broa\ lơh wơl rơndap lơh sa tơngai lơh broa\ bơh nam 2016-2020. Jơnau yal tơnggit bơh Gơnoar atbồ lơgar đơs loh: Tàm ala\ nhai do, rài lơh sa lơgar he neh pơnjat tai bơtàu tơngguh, gơguh 3 nhai tơnơ\ jơnhua  pơndrờm mờ 3 nhai lài. Kờp bal 9 nhai, GDP kờp du\ gơguh 5,93%. Lơh sa dờng gàr geh niam, pria\ roh khà geh gàr tàm khà lơyah ngan. Bulah bè hơ\, rài lơh sa lơgar he gam gơ ơm tềng bơta ua\ ngan kal ke, bơta tơlòng  dờng. Hơ\ la khà gơguh lơyah, khà gơguh lơh sa ờ lơh gơs broa\ jàu. Dồs dà lơgar mờ dồs gơnoar atbồ lơgar di lah ờ geh bơta rơndap dồs, tus lồi nam do kung di gơlan ờ gơguh jơnhua mờ khà kờp du\.

            Ala\ jơnau geh cri bơyai bơh sơnrờp rlau jơh ndrờm ring bal mờ jơnau yal tơnggit bơh gơnoar atbồ lơgar, mờ geh đơs la, tàm ala\ broa\ lơh bơtàu tơngguh lơh sa mpồl bơtìan tàm nam tus, kờ` geh lơh pràn  broa\ lơh khà pria\ drà ka\ bro, broa\ lơh sơnơm, bơto bơsram mờ ala\ phan bơna kờ` ngan bè  ồs đèng, dà, sền gròi gơguh mpồl cau lơh broa\ mờ geh tơrbo\ bal gơguh lơh sa  dà lơgar.

                             Cau cih mờ yal  tơnggit K’ Brọp