VOV4.K’ho – Ngai òr 8/12 tàm Hà Nội, Anih duh broă ờ do ờ dă gùng lòt dà lơgar bơyai lơh pơrjum tơn jơh 5 nam broă lơh gàr niam ờ do ờ dă gùng lòt tơngai bơh nam 2011 tus nam 2015 mờ rơndap broă, kơnòl broă tơngai bơh nam 2016 tus nam 2020. Ồng Nguyễn Xuân Phúc kuang jat jơng gơs gơnap gơnoar atbồ hơđang rlau jơh dà lơgar, kuang atbồ anih duh broă ờ do ờ dă gùng lòt dà lơgar neh đơng lam pơrjum. Đơs mut pơrjum, ồng Nguyễn Xuân Phúc đơs tờm, 5 nam do, bơta ngap lơngai ờ do ờ dă gùng lòt neh geh ală tam gơl niam, dơ\ sơn rờp tàm 5 nam, Việt Nam tơmù khà cau chơt bơh rlau 12 rbô nă pah nam gơmù 9 rbô nă. Kuơ màng, tàm tu\ rơndeh rơndồ ngai sơlơ uă, ală tiah gơguh git nđờ jơt rbô nơm rơndeh dờng, rơndeh mai\, mơya khà rềs àr gùng lòt gơmù mờr gùl. Tàm pơrjum, ală kuang bàng đơs, ai geh mờng chài, mơkung ai tơlik ală broă lơh bè mblàng yal, broă lơh bè phan bơna gùng lòt, khoa học công nghệ mờ broă lơh glài… kờ` gàr niam ờ do ờ dă gùng lòt tàm tơngai tus.

                                                          Cau cih mờ yal tơngit K’ Duẩn.