VOV4.K’ho - Drim òr (10-8-2015), tàm pơrjum dơ\ 40, anih duh broă sùm Gơnoar ala măt dà lơgar neh ai jơnau đơs bè ờ uă broă dờng gam geh jơnau đơs ờ ndrờm bal tàm rơndăp broă adăt tam gơl, bơtơl ờ uă bơta tàm adăt kờp du\ ngui dơ\ priă jền mờ rơndăp broă priă, mờ priă pal tă. Ală kuang bàng tàm Gơnoar ala măt dà lơgar neh ring bal mờ uă tơngu me geh iăt, lơh niam wơl. Geh uă jơnau sồr rơndăp broă adăt pal tơl niam ală kơrnoăt song dơ pă, ndrờm bal, nền nòn, mùl màl, di pal mờ khà broă kờp priă mờ broă lơh bè ờs dunia dê. Den tàng, pal lơh jăt adăt boh lam jơh ală kơrnoăt geh nùs nhơm kơrnoăt tàm rơndăp broă adăt, tơmù broă jàu Gơnoar atbồ lơgar mờ gah priă jền dà lơgar bơto sồr, mờ pal geh tơl niam nùs nhơm ring bal mờ ală adăt bơcri priă, adăt lơh sa kă bro, adăt kờp priă.

Mờ rơndăp broă adăt priă mờ priă pal tă, anih duh broă priă jền-kes priă Gơnoar ala măt dà lơgar sồr Gơnoar atbồ lơgar pal tơl^k mơ khà nền nòn priă, priă pal tă, tơl niam loh làng, ndrờm bal, pleh mờ broă sơgràm tă lơh kal ke tus mờ làng bol.

Cau mblàng Ndong Brawl