VOV4.K’ho – Ngai òr, 25/4, tàm hìu lơh broă gơnoar ala mat dà lơgar tềng đap bơta đơng lam bơh mò Nguyễn Thị Kim Ngân kuang atbồ gơnoar ala mat dà lơgar, anih duh broă sùm gơnoar ala mat dà lơgar neh mut pơrjum dơ\ 47.

Ai jơnau đơs bè broă tơlik kơrnuat bè bơta dong kờl, ală bơta pal geh nàng gàr niam broă lơh bơh kuang bàng mpồl duh broă ala mat làng bol, mò Nguyễn Thị Kim Ngân đơs tờm, nàng tơnguh jơnhua cồng nha lơh broă bơh mpồl duh broă ala mat làng bol ală kơnă dê, den bơta kuơ màng ngan rlau jơh là kòn bơnus, tơnơ\ hơ\ den hơ\sồng là broă lơh, bơta dong kờl. Ală kuang geh jơng tàm anih duh broă sùm gơnoar ala mat dà lơgar ringbal mờ bơta kuơ  màng tơlik kơrnuat mờ sồr pal lơh loh broă ai tơlik kơrnuat geh gàr niam nàng broă lơh bơh mpồl duh broă ala mat làng bol dê geh cồng nha rlau, drơng jơnau kờ` ngan ngồn, bơsong ală bơta ờ niam bơh jo\ là bơta kòl yan lơh gơmù cồng nha lơh broă bơh mpồl duh broă ala mat làng bol dê. Gơrềng tus bơta do, mò Nguyễn Thị Kim Ngân đơs là, nàng tơnguh jơnhua cồng nha, bơta niam lơh broă bơh mpồl duh broă ala mat làng bol dê den bơta kuơ màng ngan rlau jơh là kòn bơnus, tơnơ\ hơ\ den hơ\sồng là broă lơh, bơta dong kờl.

                      Cau cih mờ yal tơngit K’ Duẩn.