VOV4.K’ho – Pơnjat tai pơrjum dơ\ 3, ngai òr 13/9, Anih duh broă sùm Gơnoar ala mat dà lơgar ai jơnau đơs bè rơndap cih kơrnuat bơh Anih duh broă sùm Gơnoar ala mat dà lơgar dê bè broă crơng gơs, sền sơwì, yal Gơnoar ala mat dà lơgar in tơlik kơrnuat bè kờp du\ lài tă ngui dơ\ kes priă dà lơgar, rơndap broă tam pà kes priă dà lơgar mờ ki\ kơrnuat kờp du\ lài tă ngui dơ\ kes priă dà lơgar. Bơh cribơyai, Anih duh broă sùm Gơnoar ala mat dà lơgar ringbal bơta kuơ màng pal tơlik kơrnuat, mơya jơnau sồr bè broă tam gơl pal tơrgùm jơh ală mpồl bal, cau dùl nă să tus bal crơng gơs, tus bal mờ tơlik kơrnuat bè kes priă dà lơgar; đal git bơta kơnờm, tơngume, rơndap broă, gơnoar broă tàm tu\ crơng gơs, sền sơ wì, tơlik kơrnuat bè kes priă dà lơgar, tam pà kes priă dà lơgar kung bè kờp du\ lài tă ngui dơ\ kes priă dà lơgar. Anih duh broă sùm Gơnoar ala mat dà lơgar kung sồr rơndap cih adat kờ` pal ai tơnggo\ mờ ringbal jat kơrnuat boh lam, ngan là sơnua boh lam nam 2013, adat kes priă dà lơgar nam 2015, adat bơcri priă dà lơgar, adat tơlik sră nggal cih pơlam mut ngui adat boh lam mờ ală kơrnuat boh lam geh gơ rềng ndai.

                       Cau cih mờ yal tơnggit K’ Duẩn.