VOV4.K’ho – Pơn jat tai pơrjum dơ\ 42, drim òr 16/10, Anih duh broă sùm Gơnoar ala mat dà lơgar ai jơnau đơs bè Rơndăp lơh Adat lơh glài ku\p màng (tam gơl). Ală bơta geh ală kuang bàng sền gròi, là: broă tơrmù bơta lơh glài tơn chơ\t să tus mờ 7 bơta tìs, ală jơnau cih bè cau lơh tìs tiah ơm kis, tìs kơryan gùng lòt. Bè lơh glài ku\p màng mờ cau lơh tìs tiah ơm kis, ồng Ksor Phước kuang atbồ Mpồl duh broă kòn cau Gơnoar ala mat dà lơgar dê, pà gi\t: jơnau cih bè tàm Rơndăp lơh Adat ờ gơ jat bơta lơh jat ngan ngồn tàm rài kis. Rơndăp cih jơnau cih tàm adat, lài mờ tu\ lơh glài ku\p màng den pal geh lơh glài mờ priă. Ồng Ksor Phước, sồr cih loh: tàm khà lơi den lơh glài lơh tìs mờ priă mờ sơrlèt khà lơi den ngui khà lơh glài ku\p màng: “Geh uă broă lơh tìs cau koh kơl aniai brê, tus tu\ kờn lơh glài ku\p màng den hơ\ sồng gơlik wơl tai là pal lơh glài lài mờ priă. Den tàng geh tu\ lơh tìs dờng ngan, mơya tài bơh ờ hềt tu\ lơi gơtìp lơh glài mờ priă. Geh cau 3 khối dơm chi gơtìp lơh glài ku\p màng tài bơh lài hơ\ neh gơtìp lơh glài mờ priă. Mơya dùl nă cau digơlan lơh tìs tus 10 khối dơm chi mơya ờ gơtìp lơh glài ku\p màng tài bơh ờ hềt gơtìp lơh glài mờ priă. Bơta do là bơta ờ hềt niam bơh bol he dê. A` sồr pal lơh tam gơl wơl”..

            Cau cih mờ yal tơngi\t- Lơ Mu K’ Yến