VOV4.K’ho – Pơn jat tai pơrjum dơ\ 42, drim òr 14/10, Anih duh broă sùm Gơnoar ala mat dà lơgar ai jơnau đơs bè rơndăp lơh Adat yal yă lơh glài lơh tìs mờ priă (tam gơl) mờ Adat yal yă lơh tìs lơh glài ku\p màng (tam gơl). Cribơyai tàm dơ\ pơrjum, ală kuang bàng jơh ală ndrờm ring bal mờ uă tơngume geh iat kơno, lơh tam gơl wơl tàm rơndăp lơh Adat yal yă lơh glài mờ priă (tam gơl). Bàr pe nă kuang bàng đơs là: tàm yal yă lơh glài lơh tìs mờ priă, Anih gròi sền ai ngui kơrnoat boh lam mu\t lơh gơnoar broă gròi sền broă lơh adat boh lam, den tàng Anih gròi sền ai ngui kơrnoat boh lam là anih lơh broă gròi sền broă bơsong dơ\ lơh tìs mờ priă mờ ờ go\ di là anih lơh broă mu\t lơh yal yă kung bè ờ go\ di là anih lơh broă tus bal yal yă lơh tìs mờ priă. Bal mờ hơ\, jơnau đơs tă pơgồp ndai den đơs wơl là, Anih gròi sền ai ngui kơrnoat boh lam làng bol là anih lơh broă mu\t lơh gơnoar yal yă mờ gròi sền broă lơh adat boh lam den tàng Anih gròi sền là anih lơh broă mu\t lơh yal yă lơh tìs mờ priă bè jơnau cih tàm Adat gam ngui tu\ do dê.

            Cau cih mờ yal tơngi\t- Lơ Mu K’ Yến