VOV4.K’ho - Pơn jăt tai broă lơh tàm pơrjum dơ\ 45, mho òr (24/2), anih duh broă sùm Gơnoar ala măt dà lơgar ai jơnau đơs pơgồp bal tàm jơnau yal broă lơh tơngai bơh nam 2011 tus 2016 Gơnoar atbồ lơgar dê, kuang gơs gơnăp gơnoar atbồ hờ đang rơlao jơh dà lơgar. Geh uă jơnau sồr jơnau yal pal loh làng rơlao ală broă lơh ờ pràn tàm broă lơh jăt broă lơh bè lơh sa suơn sre, [òn lơgar, sa kuề sa koà-hoàc huơr mờ ờ uă broă lơh bè lơh sa-mpồl bơtiàn.

Đơs niam broă rơcang jơnau yal broă lơh tơngai bơh nam 2011 tus 2016 Gơnoar atbồ lơgar, kuang gơs gơnăp gơnoar atbồ hờ đang rơlao jơh dà lơgar dê, ală kuang bàng tàm Anih duh broă sùm Gơnoar ala măt dà lơgar đơs là: bơh sơnrờp tơngai lơh broă kơnă 13 tus tu\ do, Gơnoar atbồ lơgar, Kuang gơs gơnăp gơnoar atbồ hờ đang rơlao jơh dà lơgar neh geh uă broă lơh ngan tàm broă lơh jăt gùng dà, broă lơh bơh Đảng, ală kơrnoăt tàm sơnoa boh lam, adăt boh lam kung bè ală kơnòl, gơnoar kờ` tơl niam tơnguh bơtàu lơh sa-mpồl bơtiàn, sền gròi khà priă gơguh kas ir, ring niam broă lơh sa dờng, gàr niam bơta lơngăp lơngai mpồl bơtiàn, tơnguh bơtàu bơta chài rơgơi-mpồl bơtiàn, gàr niam bơta lơngăp lơngai dà lơgar, lơh broă bal mờ lơgar ndai, tơnguh bơta pràn tam pơlòng, tơrgùm bal mờ dunia. Broă đơng lam bơh Gơnoar atbồ lơgar neh pơgồp bal kuơ màng tàm broă ai tơl^k broă tơnguh bơtàu tàm rài kis lơh sa-mpồl bơtiàn dà lơgar dê. Tàm 26 khà geh ai tàm rơndăp broă 5 nam bơh nam 2011 tus 2015, geh 15 khà neh geh mờ sơlèt mờ rơndăp broă, 9 khà ờ geh, tàm hơ\ geh khà tơnguh rài kis tơl nă làng bol mơya khà do tàm nam 2014 mờ 2015 neh geh tam gơl niam, sơlèt mờ rơndăp broă geh ai.

        Cau cih mờ yal tơng^t Ndong Brawl