VOV4.K’ho - Ngai òr (25/5), tàm Hìu lơh broa\ Gơnoar ala mat dà  lơgar, bơh bơta đơng lam bơh mò Nguyễn Thị Kim Ngân kuang atbồ Gơnoar ala mat dà lơgar, anih duh broa\ sùm Gơnoar ala mat dà lơgar neh pơrjum dơ\ 48, geh ai jơnau đơs tàm jơnau yal tơnggit bè cồng nha bơh broa\ sền gròi bơh sơnrờp broa\ mut lơh broa\ lơh dà lơgar bơt bơtàu [òn lơgar pa, tơngai bơh nam 2010-2015, geh lơh broa\ bal mờ rơndap gah lơh niam wơl gah lơh broa\ sa suơn sre.

            Ua\ jơnau geh sồr tàm jơnau yal tơnggit kờ` pal geh lơh ngan mblàng, đơs wơl ala\ bơta geh gơ rềng tus broa\  lơh bơh mpồl tơlik broa\ lơh, broa\ lơh geh mut lơh jat bal broa\ lơh bơt bơtàu [òn lơgar pa bal mờ rơndap wơl lơh sa suơn sre, cồng nha mut lơh ala\ broa\ lơh,  cồng nha bơh ala\ broa\ lơh tàm bơta pơ gồp bal bơtàu tơngguh rài kis phan bơna, nùs nhơm bơh  cau lơh broa\ sa tàm [òn lơgar, geh gơ dờp bal bơh broa\ lơh rơndap gah lơh broa\ sa suơn sre mờ broa\ lơh dà lơgar bơt bơtàu [òn lơgar pa, broa\ tam pà cau lơh broa\ tus broa\ lơh mut lơh broa\ lơh, ala\ bơta gam jơng kah tàm broa\ lơh sa, [òn lơgar. Kung tàm dơ\ pơrjum ngai òr, anih duh broa\ sùm Gơnoar ala mat dà lơgar neh ai jơnau đơs tàm  sra\ jơnau yal tơnggit sền gròi cồng nha mut lơh broa\ lơh, adat boh lam bè bơtàu tơngguh bơta  khoa học, công nghệ nàng  lơh ngan bơtàu pa lơh sa ma\y mok dà lơgar tơngai bơh nam 2005-2015 mờ geh gùng bơtàu tơngguh  tàm tơngai tus. Mho òr, anih duh broa\ sùm Gơnoar ala mat dà lơgar ring bal kơrnuat bè broa\ lơh  mờ tam pà mpồl lơh broa\ sra\ nggal mờ kơrnuat geh cih bè tam pà is bơta tiah drà.

                   Cau cih mờ yal tơnggit K’ Brọp