VOV4.K’ho – Pơnjat tai pơrjum dơ\ 38, drim òr 12-5, Anih duh broă sùm Gơnoar ala mat dà lơgar ai jơnau đơs bè rơndap adat phan bơna mờ broă làng bol tam gơl tơnơ\ mờ tu\ neh cih dờp, bơsong bơh broă ai jơnau đơs tă pơgồp bơh làng bol dê. Tàm dơ\ pơrjum, Gơnoar atbồ lơgar yal mờ Anih duh broă sùm Gơnoar ala mat dà lơgar ai jơnau đơs bè rơndap adat phan bơna mờ broă làng bol tam gơl, tàm hơ\ tơrgùm tàm 10 bơta dờng geh Gơnoar atbồ lơgar dờp git là kuơ màng tàm tu\ ai jơnau đơs tă pơgồp bơh làng bol dê bè cih kơnòl bơh anih lơh broă geh gơnoar dê tàm broă sền gàr gơnoar làng bol; broă atbồ; jơnau gơrềng adat boh lam bơh cribơyai broă làng bol ờ lơh jat jơnau cih bè broă lơh; priă cồng tàm jơnau pơrgon càn priă. Bal mờ hơ\, Gơnoar atbồ lơgar kung dan jơnau đơs bơh Anih duh broă sùm Gơnoar ala mat dà lơgar bè 2 bơta mùl màl, tàm hơ\ geh gơnoar tus mờ jơi, mat sơnđan; gơnoar geh tam gơl cau ùr, cau klau. Ringbal mờ jơnau cih bè đal git wơl cau ùr, cau klau, mơya, mò Trương Thị Mai kuang atbồ Anih duh broă ală bơta mpồl bơtìan sồr pal sền sơwì nền nòn jơnau cih bè tam gơl cau ùr, cau klau. Tài tàm mùl màl, neh geh bơta cau ờ geh bơta ờ niam bè să jan kung gam kờ` tam gơl cau ùr, cau klau. Dilah ờ cih loh làng den lơh gơbàn ală jơnau gơlời wơl ờ gơtùi kờp du\ lài.

                                                                                                                                          Cau mblàng K’ Duẩn.