VOV4.K’ho - Pơnjat tai dơ\ pơrjum dơ\ 50 bơh anih duh broa\ sùm Gơnoar ala mat dà lơgar, drim òr (12/7),  ala\ kuang geh jơng geh ai jơnau đưs bè  rơndap broa\ lơh sền gròi bơh Gơnoar ala mat dà lơgar, Anih duh broa\ sùm Gơnoar ala mat dà lơgar nam 2017. Geh jơnau đơs tàm rơndap broa\ lơh bơt bơtàu adat, kơrnuat bơh Gơnoar ala mat dà lơgar nam 2017 mờ kờp du\ geh ua\ ngan   bơta geh lơh niam wơl broa\ lơh adat, kơrnuat nam 2016. Jat ồng Đỗ Bá Tỵ kuang jat jơng atbồ Gơnoar ala mat dà lơgar, broa\ lơh sền gròi bơh Gơnoar ala mat dà lơgar geh mut pơrjum dơ\ 3, Gơnoar ala mat dà lơgar kơna\ XIV mờ broa\ lơh: Sền wơl,  cri bơyai jơnau yal  tơnggit bơsir bơh Gơnoar atbồ lơgar bè jơnau sền wơl cồng nha broa\ mut lơh broa\ lơh bơtàu tơngguh lơh sa-mpồl bơtìan, mờ pria\ jền dà lơgar nam 2016, jơnau yal tơnggit kờp du\ ngui dơ\ pria\ jền dà lơgar nam 2015,  broa\ sền gròi bơsong broa\ jơnau geh đơs bơh cau te\ khà pơyua tus dơ\ pơrjum dơ\ 2, Gơnoar ala mat dà lơgar kơna\ XIV, broa\ lơh lùp mờ ho jơnau lùp bơh kuang  bàng Gơnoar ala mat dà lơgar, sền gròi jơnau sơnđan.

                   Cau cih mờ yal tơnggit K’ Brọp