VOV4.K’ho – Drim òr 11/05, Anih duh broă sùm Gơnoar ala mat dà lơgar mu\t pơrjum dơ\ 38. Tàm drim òr, Gơnoar ala mat dà lơgar iat mờ ai jơnau đơs bè jơnau yal bơtơl bơh Gơnoar atbồ lơgar dê bè bơta mu\t lơh broă rơndăp lơh bơtàu tơnguh lơh sa mpồl bơtiàn mờ kes priă dà lơgar nam 2014 mờ ală nhai bồ nam 2015; gùng dà broă lơh tam pà khà uă rlau mờ priă tă kes priă dà lơgar nam 2014. Đơs sơnđờm mu\t pơrjum, ồng Nguyễn Sinh Hùng kuang atbồ Gơnoar ala mat dà lơgar đơs tờm: broă ai jơnau đơs tàm jơnau yal bơtơl bơh gơnoar atbồ lơgar dê bè broă mu\t lơh broă rơndăp lơh bơtàu tơnguh lơh sa mpồl bơtiàn, kes priă dà lơgar mờ ală bơta bè mu\t lơh tềm pềr, rcang sơndră pơhì pơhà hoàc hươr là bơta tờm bơh dơ\ pơrjum dê. Kuơmàng là lơh ngan nàng mu\t lơh jai pha ală kơnòl broă lơh sa mpồl bơtiàn nam 2015 là nam lồi tơngai lơh broă. Ồng Nguyễn Sinh Hùng sồr ală kuang bàng mhar mờ lơh niam tơrgùm cribơyai jơh nùs, tă pơgồp jơnau đơs geh kơnòl mờ lơh tờm. Mho òr, Anih duh broă sùm Gơnoar ala mat dà lơgar ai jơnau đơs bè kờp du\ tơn jơh tă mờ dơ\ ngui kes priă dà lơgar nam 2013 mờ Yal mu\t lơh tềm pềr, sơndră pơhì pơhà hoàc hươr nam 2014.

                                                    Cau mblàng Lơ Mu K’ Yến