VOV4.K’ho - Pơnjat tai dơ\ pơrjum dơ\ 41, drim òr (23/9),  anih duh broa\ sùm Gơnoar ala mat dà lơgar geh ai jơnau đơs bè rơndap adat ling klàng làng bol mờng chài mờ kong nhơn, cau lơh broa\ sa pria\ nhai gah sền gàr dà lơgar. Cri bơyai tàm dơ\ pơrjum, ala\ kuang bàng geh kờ` bal bơta pal lơh geh adat nàng di pal mờ Sơnoa boh lam bè gơnoar mờ kơnòl bơh Gơnoar ala mat dà lơgar geh cih bè ròt gơ guh grap bơh ling klàng làng bol mờng chài, gơnoar mờ kơnòl bơh ling klàng làng bol mờng chài mờ kong nhơn,  cau lơh broa\ sa pria\ nhai gah sền gàr dà lơgar. Bulah bè hơ\,  geh ua\ ngan jơnau geh đơs sồr pal sền wơl geh cih kong nhơn, cau lơh broa\ sa pria\ nhai dà lơgar gah sền gàr dà lơgar ờ di la cau ling làng bol mơya di tàm mpồl, geh biên chế bơh ling klàng làng bol neh di pal lah ờ mờ geh cih wơl nàng  gơ di pal mờ mpồl, biên chế bơh ling klàng làng bol mờ Gah sền gàr dà lơgar. Gơ rềng tus geh cih bè gơguh grap bơh ling klàng làng bol mờng chài, rơndap tàm adat geh cih, khà gơguh grap bơh ling klàng làng bol mờng chài bơh thiếu uý tus thượng tá. Bulah bè hơ\, kung geh jơnau geh sồr bơsir geh cih tàm khà gơguh grap đại tá ling klàng làng bol mờng chài ai tus cau geh bơsram giáo sư, phó giáo sư mờ tiến sĩ nàng geh  mut rơndap niam  Kơrnuat bơh Đảng bè lơh geh mpồl  geh bồ tơngoh jak tàm rài pa tu\ do.

                             Cau cih mờ yal tơnggit K’ Brọp