VOV4.K’ho - Drim òr, 25/4, anih duh broă sùm gơnoar ala mat dà lơgar, mpồl duh broă te\ khà dà lơgar bơh ồng Tô Lâm, kuang atbồ gah kuang àng dà lơgar, kuang geh jơng tàm mpồl duh broă te\ khà dà lơgar lơh kuang atbồ mpồl lòt sền broă te\ khà kuang bàng gơnoar ala mat dà lơgar kơnă 14 mờ kuang bàng mpồl duh broă ala mat làng bol ală kơnă, tơngai lơh broă bơh nam 2016 tus nam 2021 tàm càr Gialai. Ồng Tô Lâm đơs niam broă rơcang tus te\ khà kuang bàng gơnoar ala mat dà lơgar kơnă 14 mờ kuang bàng mpồl duh broă ala mat làng bol ală kơnă, tơngai lơh broă bơh nam 2016 tus nam 2021 tàm càr Gialai. Càr neh mblàng mờ mut lơh niam ală jơnau đơs lam, jơnau sồr bơh dà lơgar dê bè broă lơh te\ khà. Broă đơng lam bồ bơh mpồl duh broă te\ khà ală kơnă tàm càr neh geh sền gròi mờ mut lơh niam ală tơngume geh gơrềng. Tàm hơ\, broă bơsong jơnau yal yă, yal khài neh  geh mut lơh niam, broă gàr niam ngap lơngai ờ do ờ dă geh mut lơh ringbal, broă mblàng yal bè te\ khà geh mut lơh uă tus cau te\ khà, làng bol. Tàm tơngai tus, ồng Tô Lâm sồr Gialai pal pơnjat tai mut lơh niam ală tơngume nàng dơ\ te\ khà kuang bàng gơnoar ala mat dà lơgar kơnă 14 mờ kuang bàng mpồl duh broă ala mat làng bol ală kơnă, tơngai lơh broă bơh nam 2016 tus nam 2021 ngan ngồn là ngai chờ gùt làng bol.

                               Cau cih mờ yal tơngit K’ Duẩn.