VOV4.K’ho - Pơgồp jơnau đơs tàm rơndăp broă adăt bè mpồl tàm pơrjum drim òr, ală kuang bàng tàm anih duh broă sùm Gơnoar ala măt dà lơgar đơs là, broă lơh adăt là pal geh kờ` lơh kơrnoăt jơh ală kơnroăt tàm sơnoa boh lam nam 2013 dê bè gơnoar lơh mpồl, di pal mờ broă kờ` làng bol dê, mờ adăt kung pal ai tơl bơta [uơn kờ` làng bol crơng gơs mờ tus bal ală mpồl. Kơlôi sơnơng do là rơndăp broă adăt kuơ màng, geh gơrềng uă ngan tus mờ gơnoar kòn bơnus, gơnoar làng bol bal mờ bơta lơngăp lơngai gùng dră bal dà lơgar, ală kuang bàng ndrờm ring bal uă bè broă pal lơh rơndăp broă adăt bè mpồl kờ` lơh jăt kơrnoăt gùng dà, broă lơh bơh Đảng mờ lơh jăt kơrnoăt ală kơrnoăt tàm sơnoa boh lam nam 2013 bè gơnoar lơh mpồl làng bol dê, di pal mờp broă kờ` làng bol dê, mờ tơnguh gơnoar mpồl bal mờ tơnguh bơta pràn sền gàr dà lơgar tus mờ mpồl. Ồng Ksor Phước, kuang atbồ mpồl duh broă kòn cau bal mờ ờ uă kuang bàng ndai đơs là, do là ală mpồl geh bơngă, geh gơnoar kuơ màng neh geh jàu lơh jăt kơnòl gùng dră bal kuơ màng Đảng dê, mờ geh ờ uă mpồl lơh broă neh geh lơh niam wơl mờ sră nggal adăt boh lam ndai. Den tàng, ring bal mờ kơrnoăt tàm rơndăp broă adăt, mơya ồng Ksor Phước sồr, pal kơlôi sơnơng tai ờ uă mpồl lơh broă ndai tàm nùs nhơm lơh bè lơi kờ` tơmù broă dong kờl bơh dà lơgar dê tus mờ ală mpồl mờ bơ\t bơtàu rơhời gùng dà broă lơh bal bơh gùt mpồl bơtiàn dê, mìng dong kờl kes priă tàm broă lơh jăt kơnòl Đảng, Dà lơgar jàu.

        Cau cih mờ yal tơng^t Ndong Brawl