VOV4.K’ho - Drim òr (12/7), Anih duh broă sùm Gơnoar ala măt dà lơgar pơgồp jơnau đơs bè rơndăp broă, broă sền gròi bơh Gơnoar ala măt dà lơgar, Anih duh broă sùm Gơnoar ala măt dà lơgar nam 2017.

Tàm pơrjum, ală jơnau đơs tàm Anih duh broă sùm Gơnoar ala măt dà lơgar ring bal ală khà rơwah sền gròi. Jăt mờ hơ\, broă rơwah tơngu me sền gròi jăt tơngu me broă lơh pal là ală broă ờ su\k ơm, geh gơbàn dờng màng ha là lơh gơrềng tus mờ rài kis lơh sa-mpồl bơtiàn, geh kuang bàng tàm Gơnoar ala măt dà lơgar, cau te\ khà bal mờ làng bol sền gròi; pơgồp mờ broă bơ\t bơtàu adăt boh lam. Đơs tàm pơrjum, mò Nguyễn Thị Kim Ngân, kuang atbồ Gơnoar ala măt dà lơgar neh sồr tàm nam 2017, Gơnoar ala măt dà lơgar sền gròi 2 tơngu me tàm 2 dơ\ pơrjum tàm nam; Anih duh broă sùm Gơnoar ala măt dà lơgar sền gròi 2 tơngu me. Mpồl duh broă kòn cau mờ ală Anih duh broă bơdìh mờ broă lơh jăt broă sền gròi jăt tơngu me tòm gam pal dong kờl Gơnoar ala măt dà lơgar bal mờ Anih duh broă sùm Gơnoar ala măt dà lơgar sền gròi dờng rơlao jơh, den tàng jăt mò Nguyễn Thị Kim Ngân sồr, mpồl duh broă kòn cau mờ ală Anih duh broă rơwah ală tơngu me di pal, yal kờ` gơnoar atbồ mpồl dong broă Gơnoar ala măt dà lơgar lơh jăt broă tam pà di pal, pleh mờ broă gơbàn bơrlu\ bal.

                        Cau cih mờ yal tơng^t Ndong Brawl