VOV4.K’ho - Pơnjat tai broa\ lơh pơrjum dơ\ 44, mho òr (15/1), anih duh broa\ sùm Gơnoar ala mat dà lơgar iat mờ ai jơnau đơs  tàm broa\ dờp, lơh niam adat  ta\ dia tơlik tac phan mờ lơgar cau,  adat ta\ dia tơmù phan bơh lơgar cau tam gơl mờ rơndap tam gơl,  bơsir ờ ua\ bơta bơh adat ta\ dia giá trị gia tăng, adat tac\ geh krơi is mờ adat  atbồ ta\ dia.

            Cri bơyai tàm dơ\ pơrjum, ala\ kuang geh jơng tàm Anih duh broa\ sùm Gơnoar ala mat dà lơgar neh bơh sơnrờp kờ` bal mờ jơnau yal tơnggit bè broa\ geh mblàng yal bè cih dờp, lơh niam 2 rơndap adat mờ jơnau sồr: Gah cih gơs kờ` pal geh lơh niam wơl nền nòn, song dơpa\ bè  cau tờm ta\ dia, bè bơta kuơ mut ngui kờ` geh sền wơl nàng gàr niam ờ gơbàn gơ kòl yan kal ke tu\ geh ngui adat pa geh ngui ngan ngồn. Tơnjơh dơ\ pơrjum,  mò Nguyễn Thị Kim Ngân kuang jat jơng atbồ Gơnoar ala mat dà lơgar geh sồr anih duh broa\ pria\ jền pơnjat tai sền wơl dùl dơ\ tai mờ Gah pria\ jền dà lơgar, anih duh broa\ adat boh lam  nàng geh mblàng  git 2 rơndap adat do tàm dơ\ pơrjum dơ\ 11 tàm nhai 3 tus.

                             Cau cih mờ yal tơnggit K’ Brọp