VOV4.K’ho – Ngai òr 23/02, Anih duh broă sùm Gơnoar ala mat dà lơgar pơn jat tai pơrjum dơ\ 45, broă lơh tờm là tă pơ gồp jơnau đơs bè rơndăp cih jơnau yal broă lơh tơngai lơh broă kơnă XIII bơh Gơnoar ala mat dà lơgar, Anih duh broă sùm Gơnoar ala mat dà lơgar dê.

Ală kuang bàng đơs là, tơngai lơh broă kơnă pa do, Gơnoar ala mat dà lơgar neh sùm lơh tam gơl pa tàm broă lơh sơnua boh lam, lơh adat boh lam, sền gròi mờ lơh nền ală bơta kuơmàng bơh dà lơgar dê, ai Gơnoar ala mat dà lơgar sơlơ ngai sơlơ rềp mềl mờ làng bol rlau, lơh broă ngai sơlơ geh kuơ ngan ngồn mờ geh cồng nha rlau. Bơh cribơyai, ală kuang bàng sền bal jơh ală ndrờm ring bal mờ ală jơnau cih tàm jơnau yal, mơkung đơs là, jơnau yal kờn pal đơs wơl jơh ală broă lơh bơh Gơnoar ala mat dà lơgar dê bè lơh adat boh lam, sền gròi, lơh nền ală bơta kuơmàng bơh dà lơgar dê neh lơh tus jơnau kờn là lơh gơs, bơtơl, tam gơl gùng dà broă lơh kơrnoat boh lam. Bơh hơ\, geh sền sơ wì wơl geh jơh ală bơta tă pơgồp bơh Gơnoar ala mat dà lơgar dê tus mờ làng bol, mờ dà lơgar. Mò Trương Thị Mai kuang atbồ Cơldu\ lơh broă ală bơta mpồl bơtiàn bơh Gơnoar ala mat dà lơgar dê, đơs, ală broă lơh tam gơl pa bơh Gơnoar ala mat dà lơgar dê tàm tơngai lơh broă kơnă XIII gơ jat bal mờ broă sùm brồ guh làng bol lơh tờm, rơ hời tam gơl bơh Gơnoar ala mat dà lơgar cribơyai tus Gơnoar ala mat dà lơgar tàm pơndang, ai Gơnoar ala mat dà lơgar ngai sơlơ rềp mềl mờ làng bol rlau.

                                           Cau cih mờ yal tơngi\t- Lơ Mu K’ Yến