VOV4.K’ho – Pơn jat tai pơrjum dơ\ 4, mho òr 5/10, Anih duh broă sùm Gơnoar ala mat dà lơgar tă pơgồp jơnau đơs bè jơnau yal sền gròi jơnau đơs bơh cau te\ khà dê pơyua tus pơrjum dơ\ 11, Gơnoar ala mat dà lơgar kơnă XIII. Gơnoar ala mat dà lơgar dờp geh jơh ală là 49 jơnau đơs bơh cau te\ khà dê pơyua tus pơrjum dơ\ 11, Gơnoar ala mat dà lơgar kơnă XIII; Gơnoar atbồ lơgar, ală gah sơnah lơh broă dà lơgar dờp geh 856 jơnau đơs. Ală jơnau đơs do ndrờm neh geh kơlôi sơnơng, iat kơno, bơsong mờ hơ jat di jơnau cih bơh adat boh lam dê. Mơya, jơnau yal kung pà go\, bàr pe gah sơnah lơh broă dà lơgar tài bơh pleh lời gơkòl jơnau đơs cau te\ khà dê den tàng mìng sền gròi tus broă hơ cau te\ khà in mờ ờ hềt sền dờng màng bơsong ală jơnau đơs bơh cau te\ khà dê. Tus tơngai do, kung gam 142 jơnau đơs ờ hềt geh bơsong jơh. Geh ală sră nggal ờ hơ tơn tàm tơngume jơnau đơs bơh cau te\ khà dê mờ là hơ bal bal, ờ di jơnau đơs kờn pal bơsong, ờ yal tu\ tơngai bơsong mờ broă lơh bơsong.

Cau cih mờ yal tơngi\t- Lơ Mu K’ Yến