VOV4.K’ho - Mho òr 27/02, anih duh broă sùm Gơnuar ala mat dà lơgar tơn jơh pơrjum dơ\ 35 tơnơ\ 3 ngai pơrjum tàm Hà Nội. Lài mờ tu\ tơn jơh pơrjum, anih duh broă sùm Gơnuar ala mat dà lơgar ai jơnau đơs bè rơndăp broă adăt ku\p jàm ing. Ală kuang bàng tàm anih duh broă sùm Gơnuar ala mat dà lơgar sồr pal sền wơl ală kơrnoăt nền nòn, di pal mờ kơrnoăt bè gơnuar kòn bơnus, gơnuar mờ kơnòl tòm làng bol dê bè neh cih tàm sơnoa boh lam nam 2013. Đơs tàm dơ\ tơn jơh pơrjum, mò Tòng Thị Phóng kuang jăt jơng atbồ Gơnuar ala mat dà lơgar sồr ală anih lơh broă sền sơwì mờ sền gròi pal pơgồp bal, lơh gơs ală tơngu me tus mờ pơrjum tus do Gơnuar ala mat dà lơgar in. Gơwèt mờ broă lơh [làng rơndeh par dunia Long Thành, kờ` tơl niam ală tơngu me, lam sồr Gơnuar ala mat dà lơgar, anih duh broă sùm Gơnuar ala mat dà lơgar dan mờ Gơnuar atbồ lơgar pal tơrgùm sền wơl, lơh gơs tơngu me priă jền, kờp jơh khà priă bơcri, gùng dà broă hòi jà tơrgùm priă, tam cah tơngai bơcri priă, sền geh cồng nha rơndăp broă, kuơ màng ngan là pal sền wơl broă gơrềng bơh rơndăp broă lơh do dê tus mờ kes priă dà lơgar bal mờ dồs dà lơgar.