VOV4.K’ho - Pơnjat tai broă lơh pơrjum dơ\ 35, drim òr 26/02, anih duh broă sùm gơnuar ala mat lơgar ai jơnau đơs bè gùng dà, broă lơh bơcri lơh rơndap broă blàng rơndeh par dunia Long Thành. Do là rơndpa broă geh khà priă bơcri dờng ngan, mờ geh mut lơh tàm tơngai jo\ jòng, den tàng ală kuang geh jơng anih duh broă sùm gơnuar ala mat dà lơgar sồr pal geh bơta sền sơ wì gơ rềng tơl làm bè lơh sa mpồl bơtiàn, tiah ơm kis, sền gàr ngap lơngai dà lơgar, ngan là gơ rềng tus kes priă dà lơgar mờ dồs dà lơgar. Ringbal bè bơta kuơ màng lơh blàng rơndeh par dunia Long Thành, mơya, bơh cribơyai, uă ngan kuang geh jơng anih duh broă sùm gơnuar ala mat dà lơgar sồr gơnuar atbồ lơgar pal geh jơnau yal sền sơ wì gơ rềng tơl làm bè lơh sa, mpồl bơtiàn, tiah ơm kis, sền gàr ngap lơngai dà lơgar, ngan là gơ rềng tus kes priă dà lơgar. Ồng Phùng Quốc Hiển, kuang atbồ anih duh broă priă jền – kes priă dà lơgar sồr pal lơh loh priă jền tus mờ rơndap broă, kes priă dà lơgar tus bal tàm rơndap broă là nđờ, mơkung kờp wơl geh cồng nha lơh sa mpồl bơtiàn bơh rơndap broă dê tơ nơ\ mờ tu\ neh tơmù khà priă bơcri.