VOV4.K’ho- Ngai òr 15/12, Anih jơnau đơs Việt Nam (VOV) mờ Ủy ban Nhân dân càr Daklak bơyai lơh ki\ pơrgon Broă lơh tam klac bal mblàng yal jơnau. Daklak là tiah Anih jơnau đơs Việt Nam geh anih lơh broă sùm tiah Tây Nguyên bơh nam 1993 mờ tu\ do là anih lơh broă sùm dờng ngan rlau jơh bơh Anih jơnau đơs Việt Nam dê, bal mờ rlau 60 nă kuang bàng, cau lơh broă. Broă lơh tam klac bal mblàng yal jơnau đah càr Daklak mờ VOV kờn sơlơ pơgồp bal tàm yal tơngi\t jơnau; mblàng yal, bơto yal ală gùng dà broă lơh bơh Đảng, chính sách dà lơgar dê mờ yal bè bơta lơh sa, chài rơgơi, mpồl bơtiàn ai làng bol [òn lơgar in; yal tơngi\t bơta pràn jak, bơta pràn bơtàu tơnguh lơh sa- mpồl bơtiàn, ală tu\ tơngai niam bơcri priă, tam klac bal tàm broă lơh lơh sa- kă bro bơh càr Daklak dê ai ală cau bơcri priă tàm lơgar mờ lơgar ndai in; yal tơngi\t, ràng tơlik bè bơta chài rơgơi, jơnau kah yau, ală tiah nhơl chờ tiơng pơnrơ, ală anih nhơl chờ càr dê…Kuang bàng đơng lam Ủy ban Nhân dân càr Daklak pin dờn, broă lơh tam klac bal do geh dong tơnguh jơnhoa rlau tai bơta niam jơnau yal tơngi\t, mblàng yal ală làng bol [òn lơgar tàm càr in; ală broă lơh lài bơh càr Daklak dê geh yal uă mờ loh làng rlau tai tàm ală anih yal tơngi\t jơnau bơh Anih jơnau đơs Việt Nam dê.

Ki\ pơrgon tam klac lơh broă bal đah càr Daklak mờ VOV

Tus bal dơ\ bơyai lơh ki\ broă lơh tam klac bal do, ồng Nguyễn Thế Kỷ, Ủy viên Trung ương Đảng, Kuang atbồ dờng Anih jơnau đơs Việt Nam, đơs tờm:

“Ờ go\ ki\ pơrgon den ală nam lài bol he kung neh lơh niam ngan sơl. Mơya tu\ do, ki\ pơrgon broă lơh pơgồp bal lơh broă den bol he pal ngan ngồn tơngo\ kơnòl he dê gơ wèt tus mờ ù tiah Tây Nguyên đơs bal mờ kuơmàng là càr Daklak. Ờ mìng là anih lơh broă sùm lơm, mờ ală mpồl, ală kênh, ală hệ bơh Anih jơnau đơs Việt Nam dê tai, pal lơh broă geh kơnòl uă rlau tai, tài bơta bơtàu tơnguh Tây Nguyên dê, tài bơta bơtàu tơnguh bơh càr Daklak dê”.

Cau cih mờ yal tơngi\t- Lơ Mu K’ Yến