VOV4.K’ho- Mho ngai 14/9, tàm Anih tờm pờ tơlik jơnau đơs dà lơgar, hìu sồ 58, gùng Quán Sứ, [òn dờng Hà Nội geh lơh dơ\ pơrjum pờ tơlik tơn tàm internet đah Anih jơnau đơs Việt Nam mờ Bộ Thông tin lơgar Campuchia bè broă lơh jăt ală Rơndăp broă lơh dong kờl Bộ Thông tin lơgar Campuchia bơh bơnah priă dong kờl ờ tơm wơl bơh Chính phủ Việt Nam dê bơh Anih Jơnau đơs Việt Nam dê lơh.

Rơndăp broă lơh “Tơnguh tai pràn jak, lơh gơlik, ơn prăp mờ pờ tơlik jơnau đơs sơ`io rùp ai Anih pờ tơlik jơnau đơs dà lơgar mờ Anih sơ`io rùp dà lơgar Campuchia in” geh Chính phủ 2 lơgar ring bal tàm pơrjum dơ\ 16 Ủy ban lơh broă bal đah Việt Nam mờ Campuchia nam 2018. Tus tơngai do, Chính phủ Việt Nam neh geh công văn hơ jàu Anih jơnau đơs Việt Nam in đơng lam, pơgồp bal mờ lơgar Campuchia lam lơh rơndăp broă lơh.

Jăt mờ hơ\, Anih jơnau đơs Việt Nam geh ring bal mờ Campuchia bè bơta dờng dềt bơh rơndăp broă lơh dê kung bè ală jơnau hơ pơrgon bơh Anih Pờ tơlik jơnau đơs dà lơgar Campuchia geh tàm măy FM tàm tiah Phnom Penh mờ Siem Reap ală jơnau đơs bơh Anih Jơnau đơs Việt Nam dê. Tàm hơ\, digơlan jơnau đơs mờ dà Yoan pờ 60 phuk pah ngai mờ dà Khmer 30 phuk pah ngai.

Cau mblàng Lơ Mu K’Yến