VOV4.K’ho- Mho ngai 6/9, tàm Hà Nội, Anih jơnau đơs Việt Nam yu\ rơyùm bơyai lơh dơ\ tơngkah kir sơn rai 75 nam ngai crơng gơs mờ dờp Huân chương Lao động khà 1 bơh Chủ tịch lơgar dê; dờp sră jờng rơ Cau ling khin cha jak chài mpồl ling phàu crong làng bol ai Hìu đơs crih Anih jơnau đơs Việt Nam. Broă lơh chờ hờp ngan geh Thủ tướng ồng Nguyễn Xuân Phúc tus bal, jàu ală phan [àn dờng màng bơh Đảng, Dà lơgar dê ai Anih jơnau đơs Việt Nam in.

Thủ tướng Chính phủ Nguyễn Xuân Phúc jàu Huân chương Lao động khà 1 ai Anih jơnau đơs Việt Nam in

Tàm dơ\ tơngkah, Thủ tướng đơs, Anih jơnau đơs Việt Nam neh đơs nền gơnoar broă là anih jơnau đơs kuơ màng lam lài bơh dà lơgar dê, là jơnau đơs bơh Đảng, Dà lơgar mờ làng bol Việt Nam dê, là bơta tàm tơr bo\ bal g^t gơ\p lơh bơyô rềp mềr, pin dờn tàm tơr bo\ bal Việt Nam mờ gơ\p bơyô tàm dunia. Thủ tướng cih dờp mờ jờng rơ ală bơta lơh ngan, cồng nha lơh geh mờ ală rơnàng kuang đơng lam bồ, kuang bàng, cau lơh ba\o, kỹ thuật, nghệ sỹ, cau lơh broă tàm Anih jơnau đơs Việt Nam dê, ală cau ling lam lài tàm gah kơlôi sơnơng, bơta niam chài, neh geh ală bơta tă pơgồp dờng màng ai broă lơh bơt bơtàu mờ sền gàr dà lơgar.

Thủ tướng kung đơs là, kờ` tam gơl pa, kờ` lòt ngài den Anih jơnau đơs Việt Nam pal gàr niam bơta tờm kuơ màng, bơnàng jă bơh he dê, kơ\ nùs tàm gùng dà bơh Đảng dê, gàr niam ală bơta niam chài mờ Anih jơnau đơs Việt Nam dê neh tơr gùm lơh geh bơh 75 nam; pơgồp bơnah bal mờ ală anih lơh ba\o tờm kuơ màng sền gàr kơ\ kơl jap bơnàng bồ tơngoh bơh Đảng dê; là jơnau đơs bơh Đảng, bơh làng bol dê, pơgồp bơnah sền gàr Đảng, sền gàr rài ăt bồ, sơn dră lơh tam gơl is, lơh tam gơl bơta ring lơngai, pơgồp bơnah drơng broă jơh nùs ngan tàm broă lơh bơt bơtàu mờ sền gàr Dà lơgar.

Cau mblàng K’ Hạnh