VOV4.K’ho-Kờp bơh tu\ geh ai lơh tàm ù tiah càr Kontum, broă tơm priă drơng broă sền gàr brê neh geh ală gơdờp uă ngan dong ală mpồl cau tờm brê atbồ, sền gàr mờ bơtàu tơnguh brê niam rlau. Bơta geh ngan tàm Mpồl tam brê lơh pơ àr Đăk Na gơ wèt Công ti chi lơh pơ àr Tiah đah jum dà lơgar là dùl jơnau ai lơh pơn yơu.

Mpồl tam brê lơh pơ àr Đăk Na, gơ wèt Công ti chi lơh pơ àr Tiah đah jum dà lơgar tu\ do gam atbồ mờ sền gàr mờr 1.200 lồ brê nho bơh 15 tus 16 sơnam tàm ù tiah 2 xã: Đăk Na mờ Đăk Sao, kơnhoàl Tu Mơ Rông dê. Pơgăp mờ do rlau 6 nam, tơngai ờ geh broă lơh tơm priă drơng broă sền gàr brê, broă lơh bơh Mpồl dê tìp uă ngan kal ke tài bơh priă jền lơh broă ờ uă.

Ală nam rềp ndo, geh Công ti tam pà tai kờp bal 300 rbô đong dùl lồ, mpồl neh geh priă nàng lơh kơnòl broă atbồ, sền gàr brê niam rlau tai. Ồng Nguyễn Văn Vỹ, Kuang atbồ Mpồl tam brê lơh pơ àr Đăk Na, pà gi\t:

“Pah nam, bol a` lơh jat jơnau sồr bơh Công ti dê là atbồ ală chi gam geh tu\ do. Mơkung lơh ală broă nàng lơh broă lơh atbồ, sền gàr brê, rơcang sơndră ồs sa brê, bè lơh gùng kơryan rơcang sơndră ồs sa brê; Tus bơsong ală phan lơh gơtìp ồs sa jat di broă pơlam lơh lài mờ kàl prang nàng tơrmù êt ngan rlau jơh jơnau digơlan gơtìp ồs sa. Mơkung bơsong ală sươn mìr rềp kềng brê nàng tu\ làng bol neh rlau chu ồs den kung ờ go\ lơh aniai sơl tus bă brê bơh mpồl dê”.

Kung kơnờm geh priă jền bơtơl pah nam bơh broă lơh tơm priă drơng broă sền gàr brê, Mpồl tam brê lơh pơ àr Đăk Na geh priă rwah tai mpồl cau lơh broă atbồ sền gàr brê, ngan là tàm ală nhai kàl prang. Bal mờ hơ\, mpồl lam lơh ală broă lơh mblàng yal, hòi jà kờ` làng bol sơlơ geh uă tai jơnau gi\t wa\ gơ wèt tus mờ broă lơh sền gàr brê.

Cồng nha pà go\, khà dơ\ broă gơrềng tus sơgràm aniai brê tàm ù tiah do gơmù uă ngan. Tàm rlau dùl nam do, mờr 1.200 lồ brê nho den mìng geh 30 tờm nho lơm gơtìp làng bol koh kơl. Bi Hồ Anh Vũ là kông nhơn gơ wèt Mpồl tam brê lơh pơ àr Đăk Na, pà gi\t:

“Làng bol tu\ do bơh mblàng yal, mìng is kuang bàng kung ơm kis lơh broă bal mờ tiah hơ\ tơn, làng bol tu\ do kung gi\t geh bơta kuơmàng bơh broă lơh atbồ, sền gàr. Hơ\ sồng dùl nùs bal niam ngan ờ gam tai jơnau koh kơl aniai brê ai sơgràm ù tai”.

Bal mờ broă lơh niam broă lơh atbồ, sền gàr brê, priă lơh geh bơh kuang bàng, cau lơh broă tàm Mpồl tam brê lơh pơ àr Đăk Na dê ngai sơlơ geh sùm. Kờp bal dùl nă cau lơh broă bơh Mpồl do dê geh jàu atbồ sền gàr 80 lồ brê nho, priă lơh geh kung geh 8 tơlak dùl nhai.

Broă lơh mờ priă lơh geh sùm sơlơ lơh kuang bàng mờ cau lơh broă tàm Mpồl tam brê lơh pơ àr Đăk Na rềp mềl rlau mờ brê. Bi Bùi Thanh Chương, Kông nhơn bơh mpồl lơh broă do dê, pà gi\t:

“Priă lơh geh bơh oh mi bol a` dê pơndrờm mờ ală mpồl lơh bal broă lơh brê bơnơm kung geh sùm dùl bơnah lơi dong kờl rài kis bơh hìu bơnhă mờ bau kòn dê. A` ngan ngồn là rềp mềl mờ broă lơh brê. Sơlơ lơh den sơlơ kờ` ngan. Rềp mềl mờ Tây Nguyên, rềp mềl mờ Kontum mờ tàm Mpồl lơh broă do tơn. Kuang đơng lam bồ Công ti kung pin dờn jàu kơnòl mờ a` pơn jat tai lơh broă"!

Tơnơ\ uă nam atbồ sền gàr mờr 1.200 lồ brê nho, nam do Mpồl tam brê lơh pơ àr Đăk Na neh geh Công ti chi lơh pờ àr Tiah đah jum dà lơgar ai gơnoar tơnhàu koh klah rơha dơ\ dùl tàm bă brê 162 lồ mờ tus koh klah ntê rơha dơ\ 2 tàm bă brê 21 lồ.

Bơh priă lơh geh do, mpồl geh tai priă jền nàng sền gàr niam rlau tai bă brê neh geh rơndăp kă bro chi dơm dờng. Gơtùi đơs ngan, broă lơh tơm priă drơng broă sền gàr brê gam lơh geh bơta dong kờl lơh sa kơ\ kơl jăp, dong ală mpồl cau tờm brê geh tai priă jền nàng atbồ sền gàr brê mờ bơtàu tơnguh brê niam rlau!

Cau cih mờ yal tơngi\t- Lơ Mu K’ Yến