VOV4.K’ho – “Gờm chờ Đảng, gờm chờ sơnam pa, gờm chờ Anih lơh broă jơnau đơs Việt Nam 72 nam” là tơngume dơ\ tìp mat đah ală mpồl bơ yô iat rơdiô ală càr tiah đah tô dà lơgar pa bơyai lơh tàm [òn dờng Việt Trì, càr Phú Thọ. Do là dơ\ tìp mat pah nam dong cau tàm ală mpồl bơ yô iat rơdô geh cribơyai ală jơnau tơnggit niam mờ bơsram ală mờng chài tàm broă lơh. Rlau 100 nă cau tàm mpồl bơ yô iat rơdô bơh ală càr Bắc Ninh, Bắc Giang mờ Phú Thọ neh geh ală jơnau đơs, tam pà ală nùs nhơm he dê bè ală tă pơgồp bơh Anih lơh broă jơnau đơs Việt Nam dê tàm broă mblàng yal gùng dà, broă lơh, kơrnuat boh lam bơh Đảng mờ Dà lơgar dê, ală pơn rơ cau niam broă niam, ală pơn rơ gơguh jak tus mờ làng bol. Bơh ală jơnau đơs pờ tơlik tàm Anih lơh broă jơnau đơs Việt nam, uă bơ yô iat rơdô neh geh tai ală git wă, jơnau tơnggit geh kuơ tàm rài kis kung bè tàm broă lơh sa.