VOV4.K’ho -  Drim òr (8/10),   tàm  Hìu lơh broa\ pờ tơlik jơnau đơs  dà lơgar  sồ 58 gùng Quán Sứ, Hà Nội, Anih  lơh broa\ jơnau đơs Việt Nam  neh bơyai lơh chờ lam lơh mờ  dong kờl “Tài tiah tàm gùl lơgar kờ` gơboh”. Mờ bơhìan dong kờl,  git jơnau bal , nha ngan glòm nha sèt, gah lơh broa\ dong kờl cau lơh broa\ mờ cơldu\ lơh broa\ jơnau đơs Việt Nam neh  hòi jà jơh cau kuang, cau lơh broa\ sa pria\ nhai dà lơgar,  mờ  cau lơh broa\ bơh  anih lơh broa\ jơnau đơs Việt Nam tàm lơgar mờ  lơgar cau, mờ nùs nhơm  dong kờl  geh at tê bal dong kờl mờ pria\, phan bơna,  ào pmha,  sra\  cih, sra\ ma\y mờ phan sa pah ngai nàng geh  pơ gồp tam pà ala\ kal ke,  hoàc roh  mờ làng bol tàm tiah tàm gùl lơgar gam pal kong.

Ồng Nguyễn Thế Kỷ kuang atbồ dờng Anih lơh broa\ jơnau đơs Việt Nam đơs tàm dơ\ lam lơh

           Tàm bùi lam lơh, atbồ anih lơh broa\ jơnau đơs Việt Nam neh bal mờ  atbồ ala\ mpồl neh pơyua tơn ta\ pơ gồp mờ pria\. Tơl cau kuang, cau lơh broa\ sa pria\ nhai dà lơgar, cau lơh broa\ bơh anih lơh broa\ jơnau đơs geh ta\ pơ gồp êt ngan kung la pria\ dùl ngai lơh broa\ sa pria\ nhai kờ` pơ gồp bal dong làng bol tiah tàm gùl lơgar mhar geh  bơt bơtàu wơl  bơh  aniai bơh mìu dờng  dà tih, dà cò lơh aniai.

                             Cau cih mờ yal tơnggit K’ Brọp