VOV4.K’ho - Di tu\ tus nam  pa 2016 mờ wèt tus tơng kah 70 nam ngai Gơnoar ala mat dà lơgar Việt Nam (6/1/1946-6/1/2016),  ngai òr (25/12), anih lơh broa\ sền gàr dà lơgar mờ  sền gàr ngap lơngai bơh Gơnoar ala mat dà lơgar neh tus còp, nting sap sa tềp ờ ua\ mpồl lơh broa\ tàm càr Gia Lai.

            Mpồl geh tus còp sa tềp cau kuang,  cau ling Pôs ling sền gàr nhàr lơgar Ia Chia, tàm ntum Ia Chía, kơnhoàl Ia Grai, tiah  nhàr lơgar ngài ngan, kòl gùng mờ kòl yan kal ke ngan bơh càr Gia Lai, rềp bal mờ càr Ratanakiri, lơgar Campuchia. Mpồl neh tus còp nting sap sa tềp cau kuang, cau ling mờ làng  bol ntum Ia Chía, nting sap Đảng, gơnoar atbồ mờ làng bol ntum tam klac, lơh sa bơtàu tơngguh, gùng dra\ bal ngap lơngai, sền gàr dà lơgar, sền gàr ngap lơngai gàr geh niam, bơyai lơh niam dơ\ te\ khà Gơnoar ala mat dà lơgar mpồl duh broa\ ala mat làng bol 3 kơna\ geh lơh tàm  nam 2016. Di tàm tu\ do, anih lơh broa\ sền gàr ngap  dà lơgar mờ sền gàr ngap lơngai bơh Gơnoar ala mat dà lơgar neh pà 2 bơnah phan satềp 2 hìu nha\ cau geh khà sra\ dong kờl bơh dà lơgar pơnrơ bơh ntum Ia Chía. Geh dờp phan sa tềp, ồng  Ksor Chê cau ling yau tàm  [òn Plei Nú I, ntum Ia Chía chờ hờp đơs:“Ngai do a` chờ ngan geh Gơnoar ala mat dà lơgar sền gròi, neh tus còp mờ nting sap sa tềp ntum di tu\ mut nam pa. A` geh lơh ngan lam sồr làng bol tàm [òn, tàm ntum tam klac lơh sa, gàr niam ờ do ờ da\ mpồl bơtìan”.

            Kung  bal tàm ngai,  mpồl lơh broa\ sền gàr dà lơgar mờ sền gàr ngap lơngai bơh Gơnoar ala mat dà lơgar neh tus còp nting sap sa tềp cau kuang, cau ling Quân đoàn 3, mpồl tam lơh tờm ngan bơh gah sền gàr dà lơgar tàm Tây Nguyên.

                     Cau cih mờ yal tơnggit K’ Brọp