VOV4.K’ho - Mho òr (19/2), Anih lơh broa\ sùm Gơnoar ala mat dà lơgar geh ai jơnau đơs tàm rơndap jơnau tơnggit tơnjơh broa\ lơh tơngai lơh broa\ bơh nam 2011-2016 bơh kuang atbồ lơgar, nàng lơh gơs jơnau yal tơnggit jàu Gơnoar ala mat dà lơgar tàm dơ\ pơrjum dơ\ 11, Gơnoar ala mat  dà lơgar kơna\ 13.

            Ala\ kuang geh jơng  bơh Anih duh broa\ sùm Gơnoar ala mat dà lơgar geh đơs niam bơnga\ bơh Kuang atbồ lơgar la cau atbồ lơgar ala mat dà lơgar bè lơh broa\ tàm lơgar, lơh broa\ mờ lơgar cau, bè sền gàr ngap lơngai dà lơgar. Bulah bè hơ\,  geh ua\ jơnau geh đơs tàm jơnau yal tơnggit kờ` pal lơh loh ala\ bơta gam ờ hềt niam, ờ hềt pràn, ngan la tàm broa\ geh lơh niam adat boh lam. Rơndap jơnau yal tơnggit bơh Cơldu\ lơh broa\ kuang atbồ lơgar ai go\, tơngai lơh broa\ bơh nam 2011-2016 tàm tu\ tàm dunia,  kơnhoàl gơbàn geh ai go\ kal ke ngan, lơh sa phan bơna-mpồl bơtìan tàm lơgar gam ua\ ngan kal ke. Kuang atbồ lơgar, Kuang jat jơng atbồ lơgar neh lơh broa\ bal nền nòn ngan mờ ala\ anih lơh gơs adat boh lam, anih ngui adat boh lam, anih cah r`a, gah tề lam gùng dra\ bal dà lơgar Việt Nam mờ ala\ mpồl gùng dra\ bal-mpồl bơtìan…, mut lơh broa\ lơh, gơnoar jat geh cih bơh sơnoa boh lam mờ adat boh lam, geh pơ gồp niam bal mờ gùt Đảng,  gùt làng bol, gùt ling klàng mut lơh geh cồng nha Kơrnuat bơh Pơrjum Đảng gùt lơgar dơ\ XI, ala\ gùng dà, broa\ lơh bơh Đảng,  adat boh lam bơh Dà lơgar.

                   Cau cih mờ yal tơnggit K’ Brọp