VOV4.K’ho - Drim òr 13/03, bơh bơta đơng lam bơh ồng Uông Chu Lưu kuang jat jơng atbồ gơnuar ala mat dà lơgar, anih lơh broa\ sùm Gơnuar ala mat dà lơgar bơyai lơh lùp jơnau tus mờ ồng Trương Hoà Bình kuang atbồ gah cah r`a dờng ngan rlau jơh dà lơgar. Bơnah ho jơnau lùp geh lơh ua\ ngan tàm bơta lơh loh bơta cau ờ geh tìs, gơbàn oàn, tàm broa\ tơm wơl tus cau gơbàn oàn, tìs tàm broa\ lơh yal ya\, lùp khàu, bơta bơsong kơnòl bơh cau geh gơnuar, kal ke tàm broa\ ngui adat boh lam lơh glài kup glài, ala\ bơta geh bơsong wơl bơh bơta oàn tìs tàm tơngai tus…Tàm bùi drim, neh geh 20 cau kuang lùp jơnau tus mờ ồng Trương Hoà Bình mờ ala mat ala\ gah, sơnah lơh broa\ geh gơ rềng bal. Jơnau đơs lồi dut bơh dơ\ ho jơnau lùp, ồng Uông Chu Lưu đơs, ồng Trương Hoà Bình neh ho tơl, loh làng, song dơpa\ ngan tàm ala\ bơta cau kuang sền gròi, ngan la lơh loh bơta oàn tìs tàm yal\ ya\ lơh glài kup jàm, bơsong kơnòl tơm wơl.