VOV4.K’ho - Là mpồl ling geh kơnòl lơh sa tàm 2 kơnhoàl tiah nhàr dà lơgar là Đức Cơ mờ Ia Grai bơh càr Gialai dê, ală nam do, bal mờ broă mut lơh kơnòl lơh broă sa, kă bro, mpồl lơh sa kă bro 75, Binh đoàn 15 ngai sơlơ sền gròi tus broă gàr tơl niam rài kis mpồl bơtiàn tàm ù tiah mờ mpồl lơh broă. Bơta do geh ai tơnggo\ tàm uă gah, uă broă lơh, mờ pơnrơ ngan tàm khà hơ\ là broă lơh bơh mpồl ơruh pơnu tàm mpồl lơh sa kă bro dê:

           Mpồl lơh broă sồ 6, di mpồl lơh sa kă bro 75, Binh đoàn 15 geh rlau mơ gùl tàm khà 180 nă cau lơh broă là ơruh pơnu. Kơnòl tờm bơh mpồl dê là tam, sơngka sền gàr, còr bơsơt kau su jat kềng 5 [òn tiah nhàr dà lơgar bơh kơnhoàl Đức Cơ, càr Gialai dê. Tơngai do gam là tu\ còr bơsơt kau su, mơya tu\ mpồl ơruh pơnu tàm [òn lơgar lam sồr ai is mhàm den rlau mờ gùl khà ơruh pơnu neh tus bal jơh nùs ngan. Hơ\ ờ mìng là dùl pơrya niam dong kờl cau, mờ gam ai tơnggo\ bơngă lam lài bơh rơnàng kơnòm să mpồl lơh sa kă bro dê. Bi ùr Hoàng Thị Thảo, atbồ mpồl ơruh pơnu mpồl lơh broă sồ 6 đơs: “Mpồl ơruh pơnu di mpồl lơh broă sồ 6 kung neh mblàng yal nàng ală ơruh pơnu tàm mpồl in git bơta kuơ bơh broă ai is mhàm dê là bè lơi: dùl ntờc mhàm geh pà, dùl rài kis geh ơm wơl. Cồng nha là neh hòi jà geh 20 nă ơruh pơnu tus bal ai is mhàm, mờ nùs nhơm geh kơnòl uă ngan.”

            Dờp kơnòl sền gròi rlau 243 lồ kau su neh tơnhàu tàm 2 [òn là [òn Míp Dép mờ [òn Ia O, kơnhoàl Ia Grai, càr Gialai, pah nam, mpồl lơh broă sồ 19, mpồl lơh sa kă bro 75 geh jàu khà tơnhàu geh rlau 1 rbô tấn bơsơt dà mờ rlau 100 tấn bơsơt bơrlu\. Tàm tơngai kal ke tài khà priă bơsơt kau su gơmù lơyah, kơnòl do ờ [uơn dùl êt lơi. Bulah bè hơ\, mpồl lơh broă sồ 19 sùm là mpồl lơh jơh kơnòl jak ngan mờ sơrlèt khà geh sồr tàm uă nam sùm. Cồng nha hơ\ geh bơngă dờng ngan bơh bơta nhap nhar lơh broă, pơrlòng tơnguh jơnhua chài lơh broă bơh ală ơruh pơnu tàm mpồl lơh broă dê. Trung uý Trịnh Văn Thìn, atbồ mpồl ơruh pơnu mpồl lơh broă sồ 19 đơs: “Kờ` git di tu\ ală ơruh pơnu lơi ờ huan chài lơh broă den mpồl đơng lam bồ ơruh pơnu neh sền git mờ jàu ờ uă ơruh pơnu chài lơh broă bơto ală cau hơ\ in, mơkung yal mờ mpồl lơh broă. Dilah tàm 3 nhai, kung gam geh cau ờ huan chài lơh broă den geh sồr mpồl lơh sa kă bro bơto bơtê wơl cau hơ\ in, nàng gơtùi di tu\ bơto pơlam”.

          Tu\ do, mpồl lơh sa kă bro 75, Binh đoàn 15 geh 24 mpồl ơruh pơnu bal mờ rlau 1 rbô nă ơruh pơnu, geh rlau 1/3 mpồl cau lơh broă bơh mpồl lơh sa kă bro dê. Do geh sền là mpồl lam lài tàm ală broă lơh, ală srơh tàm [òn lơgar, mơkung là mpồl geh tă pơgồp dờng ngan tàm cồng nha lơh broă lơh sa bơh mpồl lơh sa kă bro dê. Ală nam do, mpồl ơruh pơnu mpồl lơh sa kă bro dê neh jơh nùs ngan tus bal ală srơh bè “ Ơruh pơnu ling klàng brồ guh tus khà jơnhua”, “Ơruh pơnu ling klàng mut lơh broă tàm khoa học công nghệ”, mờ dơ\ pơr lòng “ Bồt dà lềng dà lơgar mờ ling dà lềng nam 2015”.

             Tàm nam 2015, mpồl ơruh pơnu mpồl lơh sa kă bro neh mut lơh broă lơh 10 brô anih lơh broă nùs nhơm. Jat mờ hơ\, 1 rbô mpồl kơnòm dềt geh dong kờl neh lùp còp mờ pà phan 47 nă kơnòm dềt kuet kơlte, kơnòm dềt gơtìp sơnơm khih điôxin lơh aniai geh rài kis kal ke di ngai chờ, ngai sa tềp; pơgồp bal bơyai lơh tìp mat, jờng rơ, pà phan mờr 400 nă kơnòm bơsram jak tàm [òn lơgar.

Mờ ală broă lơh ngan ngồn he dê, mpồl ơruh pơnu tàm mpồl lơh sa kă bro 75 gam ngai sơlơ tơrbo\ kơ\ nùs nhơm tam klac bal đah mpồl lơh sa kă bro mờ làng bol tàm [òn lơgar, mơkung ai tơnggo\ bơngă lam lài, ờ ngòt bòl glar, kal ke, pơgồp bơnah bơt bơtàu ù tiah nhàr dà lơgar ngai sơlơ pas sơm, niam bơne\, ngap lơngai.

             Kờ` làng bol bal mờ ală cau ling wă rơlao tai bè ală cồng nha, broă lơh mờ rơndăp broă lơh sa, kă bro mpồl ling do dê, tơnơ\ do, jà làng bol bal mờ ală cau ling iăt dơ\ lùp Trung tá Đặng Quang Dũng, kuang atbồ đơng lam Đảng ling klàng, Kuang jăt jơng atbồ anih lơh sa kă bro 1 nă să lơh is 75, Binh đoàn 15.

           - Ơ Trung tá, dan Trung tá pà g^t ờ uă bơta bè bơhiàn jăk chài bal mờ ală cồng nha mờ anih lơh sa neh geh tàm tơngai do?

          Trung tá Đặng Quang Dũng: Tềng đăp mờ broă đơng lam bơh mpồl duh broă Đảng, mpồl dơng lam ling klàng Binh đoàn 15, mờ nùs nhơm kờ` bal mờ ai tơl bơta niam, broă dong kờl bơh kơnă Đảng, gơnoar atbồ bal mờ làng bol tàm do, broă tam klăc bal, tơmù ală kal ke bơh ală kuang bàng, cau ling, cau lơh broă sa priă nhai, cau lơh broă tàm gùt anih lơh sa kă bro. Anih lơh sa kă bro neh bơyai lơh sa kă bro geh cồng nha.

          Pah nam, anih lơh sa kă bro do sùm lơh gơs mờ sơlèt ală khà geh mpồl đơng lam ling klàng, Binh đoàn 15 jàu. Cồng nha pah nam geh g^t nđờ 10 tơmàn priă. Anih lơh sa kă bro sền kuơ broă tơnguh cồng nha bal mờ bơta niam phan geh lơh (Khà măt phan kă bro bơsơ\t cao su tăc mờ lơgar bơdìh geh khà dunia). Geh tơl nă cau lơh broă tàm nam uă ngan là 2012 geh 9 tơlăk priă tàm 1 nă 1 nhai. Ală nam pa do, tài broă lơh sa gùt dunia gơbàn ờ niam, khà priă bơsơ\t cao su gơmù hờ đơm mờ khà priă geh, neh lơh aniai dờng màng ngan tus mờ cồng nha lơh sa kă bro anih lơh sa kă bro dê, mơya rài kis cau lơh broă gam geh gàr niam: nam 2014 là 5 tơlăk 200 rơbô priă 1 nă 1 nhai, nam 2015 geh 4 tơlăk 200 rơbô priă 1 nă 1 nhai.

Pah nam tă bơh kes priă gàr bơta kuơ mờ lam sồr kuang bàng, cau ling, cau lơh broă sa priă nhai tă dong kờl ntum tơnguh bơtàu lơh sa-mpồl bơtiàn, dong kờl tơn jơh jơgloh, tơmù rơ[ah, lơh jăt ală broă dong kờl mpồl ling dê, bơsong boă lơh làng bol in. Tus tu\ do, 19 mpồl lơh broă neh lơh oh mi mờ 49 [òn tàm 6 ntum, 01 [òn drà, 764 hìu cau lơh broă cau yoan lơh oh mi mờ 764 hìu làng bol kòn cau kờ` pơgồp bal tàm broă bơ\t bơtàu ală [òn ơm kis ring niam, rài kis phan bơna, nùs nhơm sơlơ ngai sơlơ tơnguh bơtàu.

           - Là anih lơh sa kă bro geh uă cồng nha tàm broă lơh sa kă bro kung bè broă drơng gàr rài kis mpồl bơtiàn, bè hơ\, broă bơ\t bơtàu Đảng neh geh mpồl duh broă Đảng tàm anih lơh sa kă bro 75 sền kuơ bè lơi ơ Trung tá?

           Trung tá Đặng Quang Dũng: Tàm 32 nam do, mpồl duh broă Đảng sùm sền kuơ broă bơ\t bơtàu Đảng, tơnguh niam broă lam sồr, bơto bơtê gùng dră bal nùs nhơm; drơng gàr broă bơ\t bơtàu Đảng kloh niam pràn kơl dang, tơnguh pràn broă đơng lam, bơta pràn tam dră mpồl duh broă Đảng, sền kuơ broă bơ\t bơtàu mpồl duh broă Đảng pơgồp bal mờ bơ\t bơtàu mpồl kuang bàng đơng lam anih lơh sa kă bro, bơ\t bơtàu mpồl cau geh đảng pơgồp bal mờ bơ\t bơtàu mpồl kuang bàng. Tus tu\ do, gùt mpồl duh broă Đảng geh 36 mpồl dềt, geh 527 nă cau geh đảng, tàm hơ\ geh 21 mpồl cau geh đảng geh mpồl duh broă Đảng, khà đơng lam là 13,10%. Mpồl duh broă Đảng geh Mpồl duh broă Đảng ling klàng dà lơgar, tu\ do là mpồl đơng lam Đảng dà lơgar pà bồng bi pơnrơ jăk ngan 10 nam tơn.

             Neh rơlao 32 nam bơ\t bơtàu mờ gơs dờng pràn, ală rài kuang bàng đơng lam tàm anih lơh sa kă bro neh bơ\t bơtàu geh 1 mpồl kơnă Đảng, mpồl cau geh đảng. Mpồl duh broă Đảng sùm pràn kơl dang nùs nhơm kăc màng, ngăc ngar, lơh gơs gùng dà broă lơh bơh Đảng, kơrnoăt đơng lam bơh gơnoar atbồ tàm kơnòl bơ\t bơtàu mpồl duh broă Đảng bal mờ anih lơh sa kă bro.

Mpồl duh broă Đảng neh sền gròi đơng lam, lam sồr mờ ai tơl bơta [uơn kờ` ală mpồl cau lơh broă geh cồng nha, di mờ gơnoar, kơnòl geh jàu.

           - Kờ` pơn jăt tai lơh geh ală cồng nha neh geh, mờ pràn kơl dang sơlèt mờ ală kal ke tềng đăp măt, tàm tơngai tus, anih lơh sa kă bro 75 geh lơh jăt ală broă lơh lơi ơ Trung tá?

          Trung tá Đặng Quang Dũng: Kờ` lơh geh bơta hơ\, mpồl duh broă Đảng, mpồl kuang bàng đơng lam anih lơh sa kă bro neh ai: lơh jăt nền nòn ală kơrnoăt Đảng neh ai, tơnguh broă bơto bơtê gùng dră bal nùs nhơm cau lơh broă in, lơh ală kuang bàng, cau ling in g^t di pal mờ kơnòl bơh anih lơh sa kă bro dê. Bơh tu\ hơ\, ring bal, tam pà bal mờ ală kal ke mờ anih lơh sa kă bro gơbàn.

            Tơnguh sùm lơh sa ring niam, lơh ngan kờ` geh priă cồng. Lơh niam ală broă pơlòng tàm broă lơh… Tơrgùm tơnguh niam mpồl cau lơh broă, ngui ală bơta niam, bơta jăk chài khoa học kỹ thuật tàm broă lơh sa kă bro; Sền gròi, drơng rài kis phan bơna, nùs nhơm cau lơh broă, gàr niam ală broă lam sồr mờ broă pơgồp bal hìu nhă geh mùl màl; tam klăc đềt mềr bal, tơnguh broă pơgồp bal nền nòn mờ kơnă Đảng, gơnoar atbồ càr, pơgồp bal tàm broă gàr niam bơta ờ do ờ dă gùng dră bal, mpồl bơtiàn tàm tiah lơh broă, bơ\t bơtàu broă gùt làng bol rơcang sơndră, lơh ngan nàng mpồl duh broă Đảng kloh niam, pràn kơl dang, anih lơh sa kă bro pràn kơl dang tơl ală bơta, lơh gơs jăk chài kơnòl geh jàu.

- Ơi, ưn ngài Trung tá!