*Jơnau tơnggit tàm lơgar.

Anih pria\ jền dà lơgar Việt Nam sơne\ tàm Dak Lak pa bơyai lơh pơrjum tơnjơh broa\ lơh anih pria\ jền dà lơgar nam 2014 mờ mut lơh broa\ lơh nam 2015. Ồng  Đinh Văn Khiết kuang jat jơng atbồ  anih duh broa\ làng bol càr Dak Lak neh tus bal mờ đơng lam dơ\ pơrjum. Đơs tàm dơ\ pơrjum, ồng Đinh Văn Khiết neh cih dờp mờ  jờng ala\ cồng nha neh lơh geh bơh gah pria\ jền tàm nam 2014 neh pơ gồp tàm bơta bơtàu tơngguh lơh sa mpồl bơtìan bơh càr. Tàm nam 2015, anih pria\ jền càr pơnjat tai geh mut lơh dùl ròt ala\  broa\ lơh  nàng bơsong ala\ kal ke tus ala\ mpồl lơh sa ka\ bro, pơ gồp bal tàm  geh gàr niam tàm bơta lơh sa ka\ bro tàm càr, lơh pràn ai càn  pria\ tàm ala\ gah lơh broa\ geh dong kờl lài bè càn nàng tơlik tac phan mờ lơgar cau, càn mpồl lơh sa ka\ bro, càn nàng lơh broa\ lơh sa,  càn nàng tam pa wơl kơphe, mut lơh ala\ broa\ lơh gàr niam pria\ jền, tơngguh broa\ lơh lòt sền, sền gròi broa\ lơh bơh anih pria\ jền dà lơgar tàm càr.

 Jăt Anih tờm yal tơngi\t broă lơh càr Dak Nông dê yal, kờp tus tu\ do, gùt càr Dak Nông neh geh 15 nă cau lơh broă là cau kòn cau geh ai lòt lơh broă hờ lơgar ndai bè Malaysia, Nga…Jơh ală cau tàm khi ndrờm geh ai lơh ală broă lơh dipal mờ bơta pràn jak, mờ geh priă jền uă. Bơh jòi gi\t bơta geh ngan, geh gi\t, tu\ do, broă lòt lơh broă tàm lơgar Malaysia kung dipal mờ pràn jak bơh cau lơh broă là cau kòn cau mờ cau rbah dê. Tu\ do, đah lơgar Malaysia kung gam kờn rơ wah tai dùl mpồl uă cau lơh broă, den tàng cau lơh broă tu\ lòt lơh broă tàm lơgar do, den geh broă lơh sùm, kơ\ kơl jăp, mờ priă lơh geh bơh 8 tus 10 tơlak dùl nhai. Bal mờ hơ\ tàm ală lơgar ndai, bè tiah đah mat tơngai lik Châu Âu, Đài Loan, Nhờk…den priă tă lơh sră lòt lơh broă hờ lơgar ndai ndrờm gơmù tus khà dipal, geh tu\ là cau lơh broă rbah kung gơtùi lòt lơh broă tàm ală tiah do sơl.

Anih duh broa\ làng bol càr Gia Lai pa geh sra\ nggal lam sồr kuang àng càr đơng lam, geh lơh bal mờ gah atbồ cau ling sền gàr nhàr lơgar càr, anih duh broa\ làng bol kơnhoàl Ia Grai, gah lơh broa\ sền gàr brê geh mut lơh mo broa\ lơh  lùp khàu, bơsong di geh cih bơh adat boh lam kơl  gơ pờ chi brê tis tàm brê bồ tô, di mpồl atbồ sền gàr brê bơh brê bồ tô Ia Grai. Lài hơ\,  anih lơh broa\ geh gơnoar git go\ tàm brê bơh mpồl atbồ sền gàr brê kơnhoàl Ia Grai geh di rlau 100 khối chi pa gơbàn òt tìs. Geh chi klòng, sến… tờm dờng bơh 50 phơng tus 70 phơng gơbàn òt rah rài tàm ba\ ơnàng bơh 5-7 lồ. Bulah bè hơ\,  mpồl lơh broa\ geh gơnoar ờ git go\, kup geh cau òt dơm chi tìs.

            *Jơnau tơnggit dunia.

            Ngai òr 29/12 ồng Matteo Rendi kuang gơs gơnăp gơnuar atbồ hờ đang rlao jơh dà lơgar Italia đơs, nam 2015 geh la nam tàm bơta bơtàu tơngguh lơh sa bơh lơgar Italia. Đơs tềng đap cau lơh bao\ tàm bùi pơrjum bao\ lồi nam, ồng Rendi đơs tờm, nam 2015 la nam  tờm  ngan tus mờ lơgar Italia, den tàng gơnoar at bồ lơgar do gam mut lơh jơh ala\ bơta lơh ngan nàng geh wơl bơnga\ tàm lơgar Italia hờ dunia. Ồng Rendi kung hòi jà gơnoar atbồ lơgar trung tả bơh lơgar Italia pơnjat tai geh lơh gơs lơh niam wơl, geh bal broa\ lơh niam adat lơh broa\ mờ lơh bal hia\ ròt broa\ lơh sra\ nggal.

 Gơnuar atbồ lơgar Malaysia geh dong kờl kuơmàng 500 tơlak ringgit, pơgăp 143 tơlak dolar Mỹ nàng dong ală cau gơtìp aniai bơh dà ko\ dà cò gam lơh aniai tàm rlau 8 càr bơh lơgar Malaysia dê, ồng Najib Razak kuang gơs gơnăp gơnuar atbồ hờđang rlao jơh lơgar Malaysia pà gi\t, tơ nơ\ dơ\ lòt còp ală tiah gơtìp dà ko\ dà cò lơh aniai. Kơrnuat geh ai tơlik tàm tu\ tơngai làng bol tàm ală tiah ko\ng dà ko\ dà cò lơh aniai đơs lah gơnuar atbồ lơh lơyaì tàm broă sơndră wơl mờ trồ tiah lơh aniai. Kờp tus ngai 27/12 pa do, khà cau lòt ntrờn nàng pleh dà ko\ dà cò tàm lơgar Malaysia neh gơguh tus 160 rbô nă, gơguh uă pơndrờm mờ 100 rbô nă cau dùl ngai lài hơ\.