VOV4.K’ho – Mho òr (07/9), tàm anih ku\p rùp lơma S14, Anih sơn đio rùp Việt Nam bơyai lơh tơnkah 45 nam ngai sơn đio rùp sơnrờp (07/9/1970 – 07/9/2015). Ồng Nguyễn Tấn Dũng kuang gơs gơnăp gơnoar atbồ hơ đang rơlau jơh dà lơgar neh tus bal.

Ồng Nguyễn Tấn Dũng kuang gơs gơnap gơnoar atbồ hơđang rơlau jơh dà lơgar tus sền anih ku\p rùp mờ phan lơh broă pa anih sơnđio rùp dê

Ồng Nguyễn Tấn Dũng kuang gơs gơnap gơnoar atbồ hơđang rơlau jơh dà lơgar jàu gai lòng Lơh broă khà 2 ai 12 nă cau geh pnrơ jăk ngan in

Tàm dơ\ bơyai lơh, ồng Trần Bình Minh, Kuang atbồ dờng Anih sơn đio rùp Việt Nam bal mờ ală cau ala mat neh kah wơl tơngai kah yau bơh Anih sơn đio rùp Việt Nam dê. Sơlèt gan 45 nam bơt bơtàu mờ bơtàu tơnguh, bơh dùl nơm camera Ngựa Trời geh crap is bơh tơngai sơn rờp, ờ uă kuang bàng lơh broă tàm Anih jơnau đơs Việt Nam, tus tu\ do, Anih sơn đio rùp Việt Nam neh geh bơta bơtàu tơnguh tơl làm bè uă bơta, mờ phan bơna niam, công nghệ pa di pal mờ bơta bơtàu tơnguh gùt plai ù dê. Mpồl kuang bàng, cau lơh broă geh rlau 4 rbô nă là kuang bàng, cau lơh broă, cau ai tơngit jơnau đơs, cau cih gơs jơnau đơs, cau drơng may... gam ngai mang tryang trỳông lơh broă, cèng tus ală jơnau sơn đio rùp niam, drơng jat jơnau kờ` ngai sơlơ uă bơh cau sền tàm lơgar mờ dunia dê. Di tu\ do, Anih sơn đio rùp Việt Nam pơn yờ să ngan geh pà khà jờng Gai lòng lơh broă khà dùl, khà 2 mờ khà 3 bơh Kuang atbồ lơgar dê.

                                                                                       Cau mblàng K' Duẩn