VOV4.K’ho – Ngai òr 24/12, tàm Hà Nội, Anih tờm pờ tơlik jơnau đơs, sơnio rùp mờ lơh lơma Kuang àng làng bol bơyai lơh yu\ rơ yùm ngan dơ\ tơngkah 50 nam Ngai crơng gơs gah pờ tơlik jơnau đơs Kuang àng làng bol.

Đơs tàm dơ\ bơyai lơh tơngkah, ồng Bùi Quang Bền kuang jat jơng atbồ Gah Kuang àng dà lơgar đơs niam ngan ală cồng nha lơh geh bơh kuang bàng, cau ai tơngi\t jơnau đơs, cau sền sơ wì jơnau đơs mờ ală kuang bàng cau ling tàm Mpồl sền sơ wì Pờ tơlik jơnau đơs Kuang àng làng bol tàm 50 nam do. Mpồl sền sơ wì Pờ tơlik jơnau đơs Kuang àng làng bol neh geh uă broă lơh ngan mu\t lơh jơnau sồr kơnòl broă gùng dră bal geh jàu, sơrbăc mhar, ngac ngar ngan, lơh jat niam jơnau pơlam mblàng yal, sùm tơnguh jơnhoa cồng nha jơnau đơs. Ồng Bùi Quang Bền kơ\p kờn, tàm tơngai tus, cau ai tơngi\t jơnau, cau sền sơ wì jơnau pờ tơlik jơnau đơs Tài bơta lơngăp lơngai Dà lơgar dê kờn pal lơh ngan lơh jat thàn bơta gơbàn tàm tu\ tơngai pa. Sùm bơsram tàp nùs nhơm gùng dră bal, tơnguh jơnhoa bồ tơngoh, jak chài tàm broă lơh ờs mờng, jat thàn bơta tam gơl pa bơh sră bău dê, sền dờng màng bơta gơbàn pah ngai, bơ\t bơtàu uă broă lơh jơnau đơs pờ tơlik tơn, lơh uă tàm ală bơta duh hồl geh mpồl bơtiàn sền gròi uă, lơh geh di tu\ jơnau kờn yal tơngi\t jơnau ngai sơlơ uă bơh bơyô iat rơdio dê.

Cau cih mờ yal tơngi\t- Lơ Mu K’ Yến