VOV4.K’ho – Ngai òr 15/8, cribơyai uă lơgar “Bơcri priă ai cau kra nhap nhar mờ pràn kơldang tài bơtàu tơnguh kơ\ kơljap” mờ tơngume “Broă tus tàm bă tiah kờ` chul chồl sền gròi jo\ tơngai bơceh pa” neh geh mut lơh tàm [òn dờng Hồ Chí Minh. Cribơyai geh bơta tus bal bơh mờr 250 nă kuang bàng là ală nghị sỹ, kuang bàng chính phủ, cau jak chài, cau kơ lôi sơ nơng, cau kă bro tus bơh 21 rài lơh sa geh jơng tàm APEC mờ ală mpồl dunia.

Đơng lam mut lơh cribơyai, mò Nguyễn Thị Kim Tiến, Bộ trưởng Bộ Y tế Việt Nam đơs tờm: tam gơl khà kờp làng bol là dùl tàm ală tam gơl bè kòn bơnus dờng ngan rlau jơh dunia tu\ do mờ bơta gơguh uă mhar ngan bơh khà cau dờng sơnam, gơ rềng tus tơl bơta bơh rài kis lơh sa - mpồl bơtiàn bơh tơl lơgar dê. Tàm cribơyai, ală kuang bàng neh jòi git bè broă sơlơ tam klac gan tiah nhàr dà lơgar, tam klac làm  gah kờ` dong mpồl bơtiàn ală lơgar gơ rờm bal mờ dunia geh khà kờp làng bol kra mờ broă dong kờl, bơtàu tơnguh ală mpồl sền gròi jo\ tơngai, kơnờm tàm mpồl bơtiàn mờ tơl làm kung bè bơh broă lơh ntrờn dunia geh cồng nha rlau bơh cau lơh broă sền gròi geh mờng chài.