VOV4.K’ho - Ngai 27/1, di dơ\ sa tềp bơhìan Bính Thân 2016 tus, mpồl lơh broa\ bơh càr Dak Nông neh tus còp mờ pà phan mờ nting sap sa tềp cau kuang, cau ling gam lơh broa\ tàm pôs ling sền gàr nhàr lơgar Dak Dam, Dak M’Bai, Dak Lao, Thuận An, Tiểu đoàn 301, Đại đội 4, anih sền gròi mpồng nhàr lơgar Dak Peur, mpồng mut lik hờ lơgar cau Dal Peur. Tàm ala\ anih tus còp, nting sap sa tềp ala mat ala\ mpồl neh yal jơnau rài kis lơh broa\ sa, broa\ drpng sa tềp tus cau kuang, cau ling kung bè broa\ lơh rcang tam lơh lài, tàm tu\ mờ tơnơ\ sa tềp mờr tus. Tàm bùi tam tìp, at bồ càr Dak Nông cih dờp ala\ ta\ pơ gồp bơh mpồl cau ling sền gàr nhàr lơgar, ling klàng mờ làng bol tus mờ dơ\ sền gàr gơnoar tờm ù tiah dà lơgar, tiah nhàr lơgar. Mơ kung geh pơyua jơnau nting sap niam bơne\ ngan tus pràn kơldang sa\ ja`, nùs nhơm cau ling, ngan la ala\ cau ling kơnòm sa\, dong cau ling lơh gơs jat ngan broa\ jàu.
Di sa tềp Bính Thân 2016, ngai 27/1, mpồl kuang bàng gơnoar ala mat dà lơgar càr Dak Lak neh tus còp, pà phan, nting sap sa tềp tàm ntum Ea Rôk, kơnhoàl tiah nhàr dà lơgar Ea Sup. Tàm do, mpồl neh jàu 30 bơnah phan, tơl bơnah kờp 500 rbô priă ai ală hìu nhă geh sră dong kờl bơh dà lơgar, hìu nhă geh rài kis kal ke bơh ntum tiah nhàr lơgar Ea Sup, kờ` pơgồp bơnah tam pà, dong ală hìu nhă wă rò 1 sơnam pa ngap lơngai, ram mhu\. Kung tàm dùl ngai bal, mpồl neh tus còp, nting sap sa tềp kuang bàng, cau ling gam lơh broă tàm ală pôs ling sền gàr tiah nhàr dà lơgar tàm tiah nhàr lơgar càr Dak Lak dê. Tơnơ\ mờ tu\ iat kuang đơng lam bồ ală pôs ling yal dùl êt bè broă atbồ, sền gàr tiah nhàr lơgar tàm nam lài, ala mat mpồl, ồng Y Khút Niê kuang jat jơng atbồ mpồl kuang bàng gơnoar ala mat dà lơgar càr cih dờp, đơs niam ală broă lơh ngan bơh kuang bàng, cau ling sền gàr tiah nhàr dà lơgar neh sơr lèt gan tơl kal ke, bòl glar, at kơ\ nggkơr phàu sền gàr tơl làm ù tiah, gơnoar tờm tiah nhàr dà lơgar, pơyua jơnau nting sap sa tềp tus gùt kuang bàng, cau ling.
Cau cih mờ yal tơnggit K’ Brọp mờ K’ Duẩn
Viết bình luận