VOV4.K’ho - Drim òr (17/05),  atbồ càr Daklak neh tus còp, pà phan mờ gờm  chờ Mpồl atbồ gah yàng Phờk Việt Nam càr Daklak mờ ờ ua\ hìu yàng di  tus ngai  chờ  dờng Phờk Đản, Phật Lịch 2560- Dương lịch 2016.  Tàm ala\ anih tus còp,  atbồ càr  Daklak neh gờm chờ mờ cih dờp  ala\ ta\ pơ gồp bơh mpồl đơng lam atbồ Gah yàng phờk càr Daklak mờ ala\ cau kơđơng yàng, cau jat yàng phờk tus mờ  rài bơtàu tơngguh lơh sa-mpồl bơtìan, lơh geh bơta tam klac dờng jơi bơtìan. Mơ kung geh bal mờ gơnoar atbồ [òn lơgar mut lơh niam broa\ lơh, broa\ lơh bơtàu tơngguh lơh sa mpồl bơtìan bơh  càr dê,  mut lơh niam gùng dà broa\ lơh bơh Đảng  adat boh lam bơh Dà lơgar, nhap nhar lơh jat ala\ broa\ lơh dong kờl kòn bơnus,  pơ gồp bơta kuơ  mpồl bơtìan tàm càr. Đơs tờm  dơ\ lơh chờ Phờk Đản nam do di bal mờ  jơnau kuơ màng ngan bơh dà lơgar la pồ te\ khà kuang bàng Gơnoar ala mat dà lơgar kơna\ 14 mờ mpồl duh broa\ ala mat làng bol ala\ kơna\ tơngai bơh nam 2016-2021,  atbồ càr Daklak kơp kờ` atbồ gah yàng phờk geh bal mờ anih duh broa\ gah tề lam gùng dra\ bal dà lơgar Việt Nam  ala\ kơna\ geh lam  sồr làng bol cau jat yàng phờk, tus bal  niam, rwah geh  ala\ cau  di pal pồ tàm gơnoar ala mat dà lơgar mờ mpồl duh broa\ ala mat  làng bol ala\ kơna\.

          Cau  cih mờ yal tơnggit K’ Brọp