VOV4.K’ho – Jat Duh broă sùm Mpồl đơng lam Tây Nguyên dê yal, tu\ do, bă ù tam điều bơh ală càr tàm Tây Nguyên dê, bè: Daklak, Gialai, Kontum, Daknông mờ Lâm Đồng gam gơmù mhar ngan, mìng gam mờr 73 rbô lồ lơm, gơmù mờr 16 rbô lồ pơndrờm mờ nam 2015; tàm hơ\ gơmù uă ngan rlau jơh là Daklak mờ Daknông. Gơbàn jơnau do là tài lài do uă ngan bă điều geh tam mờ ală gar mờ bơh uă nam điều neh kra, ờ pràn, tu sa aniai uă ngan, khà geh plai ờ uă, cồng nha gơmù. Bơta ndai, khà priă gar điều tàm drà ờ kơ\ kơl jăp den tàng uă tiah neh koh kơl nàng ai ù tam wơl kơphê, tiêu halà ală tờm chi lơyah ngai ndai, bè tơngời sơntìl pa, khuah rbài ală bơta…lơh geh cồng nha lơh sa uă rlau. Mpồl đơng lam Tây Nguyên sồr ală càr Tây Nguyên gờn tus sền, sền wơl bă ù tam điều gam geh tu\ do, mơkung rơndăp wơl loh làng ù tiah tam điều ai tơl tiah in. Dà lơgar kung kờn pal geh kơ cê, chính sách dong kờl làng bol ală kòn cau in bơcri priă lơh tam gơl wơl, tam gơl sơntìl điều pa, điều bơkiar geh cồng nha uă rlau.

Cau cih mờ yal tơng^t- Lơ Mu K’ Yến