VOV4.K’ho – Drim ngai 30/6, tàm pơrjum Ban Thường vụ Tỉnh ủy, dờp bơta jàu gơ noar bơh Ban Bí thư Đảng dà lơgar dê, ồng Bùi Văn Cường, Ủy viên Đảng dà lơgar, Bí thư Tỉnh ủy Dak Lak neh jàu kơrnuat bơh Ban Bí thư Đảng dà lơgar dê bè broă ring bal kơrnuat pồ kuang geh jơng Ban Thường vụ Tỉnh ủy tơngai lơh broă bơh nam 2015 tus nam 2020 gơ wèt tus mờ ồng Nguyễn Hoài Dương, Tỉnh ủy viên, Kuang atbồ Sở Nông nghiệp mờ Phát triển Nông thôn càr Dak Lak.

Đơs tàm dơ\ jàu kơrnuat, ồng Bùi Văn Cường kơp kờ`, mờ bồ tơngoh bơsram sră bal mờ pràn jak să tờm dê, ồng Nguyễn Hoài Dương pơn jat tai tơnguh nùs nhơm geh kơ nòl bal mờ mpồl Ban Thường vụ Tỉnh ủy Dak Lak lam lơh niam kơ nòl đơng lam bơtàu tơnguh lơh sa – mpồl bơtìan, sền gàr dà lơgar – sền gàr lơngap lơngai, broă lơh bơt bơtàu Đảng nàng càr Dak Lak ngai sơlơ bơtàu tơnguh.

Cau mblàng K’Duẩn