VOV4.K’ho- Ngai òr 6/7, Ban Chấp hành Đảng bộ càr Kontum kơnă XV bơyai lơh Pơrjum dơ\ 8.

Tàm dơ\ pơrjum do, Kuang đơng lam bồ Tỉnh ủy càr Kontum sồr ală kơnă, ală gah pơn jat tai lơh geh cồng nha ală kơnòl broă mờ broă rơndăp lơh neh đơs tàm Nghị quyết sồ 02 bơh Tỉnh ủy càr Kontum dê; sùm kờp sền wơl ală rơndăp ù tiah ală tiah lơh sa pràn nàng geh bơta tam gơl, bơtơl gơ in dipal mờ bơta geh ngan; lơh geh cồng nha Nghị quyết bơh Ban Thường vụ Tỉnh ủy càr Kontum dê bè bơtàu tơnguh lơh broă sa sươn sre ngui công nghệ cao gơ jat bal mờ lơh gơlik phan tàm ù tiah càr dê.

Cau cih mờ yal tơngi\t- Lơ Mu K’Yến