VOV4.K’ho- Ngai do, 28/01, pơrjum dờng cau ala mat gùt lơgar dơ\ 13 bơh Đảng Cộng sản Việt Nam dê lơh broă tàm hìu pơrjum, pơn jat tai cribơyai ală sră nggal pơrjum dờng dơ\ 13 mờ iat jơnau yal bơh Ban Chấp hành Đảng dà lơgar khóa 12 bè broă lơh kuang bàng Ban Chấp hành Đảng dà lơgar khóa 13. Bè broă lơh kuang bàng, Ban Chấp hành Đảng dà lơgar khóa 13 pal gàr bơta niam, geh khà mờ rơndap tap sèng dipal, gàr niam bơta tàm pơ dờn, kơ\ kơljap, tam gơl pa, bơtàu tơnguh sùm mờ geh bơta tàm pơ dờn kơ\ kơljap đah ală rơnàng.

Bơh cồng nha broă lơh rơcang lài kuang bàng, tàm ală pơrjum Đảng dà lơgar dơ\ 13, 14 mờ 15, Ban Chấp hành Đảng dà lơgar khóa 12 neh sền sơ wì nền nòn mờ ring bal mat kuang bàng geh tơn pồ nàng yal Pơrjum dờng cau ala mat gùt lơgar dơ\ 13 bơh Đảng dê sền sơ wì, te\ khà jat jơnau sồr. ală kuang bàng geh yal tơnggit tàm pơrjum dờng geh tơl khà, tơl bơta jat jơnau sồr, geh pràn jak, bơngă pin dờn.

Cau mblàng K’Duẩn