VOV4.K’ho- Drim ngai 03/02, tàm Hà Nội, Ban Tuyên giáo dà lơgar bơyai lơh pơrjum cau yal jơnau nhai 1 nam 2021, mờ broă lơh pờ tơlik tơn tàm internet tàm 2 rơbô 260 anih tàm gùt lơgar. Tàm pơrjum, ală cau ala mat neh ia\t ồng  Nguyễn Xuân  Thắng, Kuang atbồ Học viện Chính trị dà lơgar Hồ Chí Minh, Chủ tịch Hội đồng Lý luận Dà lơgar yal mhar cồng nha Pơrjum dờng cau ala mat gùt lơgar dơ\ 13 bơh Đảng dê. Kung tàm pơrjum, ală cau ala mat neh ia\t Kuang atbồ Mpồl lơh broă mờ lơgar ndai dà lơgar ồng Hoàng Bình Quân yal bè tơrgùm bal bơta tàm dunia mờ broă lơh lơh broă mờ lơgar ndai bơh Dà lơgar dê tàm nam 2020, gùng dà broă lơh nam 2021.

Đơs pơn du\t pơrjum, ồng Phan Xuân Thủy, Phó kuang atbồ Ban Tuyên giáo dà lơgar sồr mpồl kuang bàng yal jơnau ală kấp mờ cau mblàng yal jơnau  kấp hơ đơm dê tơr gùm mblàng yal cồng nha Pơrjum dờng cau ala mat gùt lơgar dơ\ 13 bơh Đảng dê. Mơ kung, sồr mpồl kuang bàng yal jơnau tơr gùm mblàng yal bè broă lơh rcang sơn dră kòp Covid-19 nàng làng bol in tơnguh bơta rcang ngăc, ờ rơ ngòt  mờ kòp, rcang lài rcang sơn dră kòp Covid-19.

Cau mblàng K’ Hạnh