VOV4.K’ho - Drim òr (15/1),  bao\ Daklak neh tơng kah 40 nam ngai crơng gơs. Pang bao\ lip gơs 8 pang pah nhai, tus tu\ do,  neh gơs la pang bao\ niam ngan jơh mờ  2 bơta bao\ la: Bao\ lip mờ bao\ điện tử. Lơh di pal jơnau tơnggit pah ngai, pah jiơ, tơnggu me bơh jơnau cih slơ ngai slơ li la, ua\ ngan, bao\ Daklak neh mờ gam geh lơh niam bơnga\ la sap đơs bơh Đảng càr, gơnoar atbồ mờ làng bol ala\ kòn cau càr  dê. Bal mờ broa\ lơh mblàng pơlam, bao\ Daklak kung geh  nhap nhar tus bal ala\ broa\ lơh mpồl bơtìan,  crơng gơs geh kes pria\ “Nùs nhơm niam”  dờp bơta ta\ pơ gồp bơh ala\ cau dùl na\ sa\, mpồl bal bơh ala\ cau niam, dong kờl  tus ala\ cau geh rài kis kal ke, gơbàn nđàc tàm càr.

                             Cau cih mờ yal tơnggit K’ Brọp