VOV4.K’ho- Xã Bảo Thuận, kơnhòal Di Linh, càr Lâm Đồng geh mờr 95% khà kờp làng bol jơi bơtìan kòn cau. Do là xã tiah sar lơgar ngài, geh gal ngan làng bol kòn cau den broă bơt bơtàu [òn lơgar pa gơtìp ua\ ngan kal ke. Bulah bè hơ\, tơ nơ\ mờr 10 nam lam lơh jat broă lơh do, xã Bảo Thuận neh lơh sir ală broă jàu, geh dờp là xã [òn lơgar pa.

Xã Bảo Thuận, kơnhòal Di Linh, càr Lâm Đồng geh mờr 1 rơbô 700 hìu bơnhă mờ pơgap 7 rơbô 400 nă cau, tàm hơ\, làng bol jơi bơtìan kòn cau Tây Nguyên geh mờr 95%. Kơ nờm bơta sền gròi đơng lam di tu\, tơl gah bơh Huyện ủy Di Linh, xã Bảo Thuận neh pơgồp bal niam ngan đah gơ noar atbồ xã mờ ală mpồl cau lơh jat bal kơ nòl broă den neh pơgồp bơnah ua\ ngan tàm cồng nha lơh geh bơh Broă lơh bơt bơtàu {òn lơgar pa tàm tơngai pa do.

Tàm ală nam pa do, lơh sa sươn sre bơh xã dê neh tam gơl mờ brồ guh pràn kơl dang ngan, mờ bơta pràn tờm là tam kơ phê mờ lơh kòi sre. Xã Bảo Thuận là tiah lơh kòi sre dờng ngan rlau jơh bơh kơnhòal Di Linh dê, mờ bă ù sih tam pah nam pơgap 670 lồ, phan lơh geh pơgap 4 rơbô tấn dùl nam. Broă lơh tam pa wơl kơ phê neh cèng wơl cồng ngan ngồn, tus tu\ do, gùt xã neh tam pa wơl geh mờr 700 lồ, tơn hào kơphê ngai sơlơ gơguh ua\, kờp bal 31 tạ dùl lồ. Bal mờ hơ\, làng bol neh tam tàm bơr lu\ bal ală bơta tờm chi tàm sươn kơphê bè  bơ, sầu riêng, mắc ca… pơgồp bơnah tơnguh pria\ lơh geh ua\ ngan.

Gùng lòt [òn lơgar pa tàm xã Bảo Thuận, kơnhòal Di Linh, càr Lâm Đồng

 Tus lồi nam 2020 do, ală broă jàu bè “ồs đèng- gùng lòt- hìu bơsram- hìu sơ nơm, dà sàng kloh [òn lơgar” tàm xã Bảo Thuận ndrờm lơh geh tơl khà, 100% ală hìu bơnhă tàm xã ndrờm geh ngui gùng che ồs đèng pờ àng. Kơ nờm bơh hơ\,  rài kis nùs nhơm bơh làng bol dê geh tơnguh ua\. Ală hìu bơnhă ndrờm blơi ală phan ngui  đèng tàm hìu bơnhă bè ti vi, tùh mrềt, quàt puh… drơng jơnau kờ` kờ` pal geh ngan tàm rài kis. Trồ mang lòt rê tàm ală gùng dờng tờm bơh xã dê, đèng gùng sòl àng bè kờ` lơh roh te\ bơta jơ gloh, bơta r[ah lài do dê tàm dùl xã tiah sar lơgar ngài bè Bảo Thuận do dê, bơta lơngap lơngai, rơndap tap sèng geh gàr niam, ờ gam jơnau tung kơ`au bè lài do tai. Mò Ka Dọi ơm tàm thôn Kròt Dờng, xã Bảo Thuận đơs là, kơ nờm lơh jat broă lơh jơnau kờ` dà lơgar bơt bơtàu [òn lơgar pa den rài kis làng bol dê neh geh tam gơl pa.

Đèng gùng sòl àng ngan, geh pờ bơh 6 jiơ mho ngai lài tus 5 jiơ drim ngai tơ nơ\ hơ\ sồng tơn chơ\t. Geh đèng gùng bươn ngan ai broă lòt rê tàm trồ mang, ờ gam geh jơnau tung kơ`au bè lài do tai. Bơh ngai ală gùng che ồs đèng sòl àng ờ gam geh jơnau tung kơ`au phan bơna tai. Broă lơh dà sàng kloh [òn lơgar geh dà lơgar  bơcri lơh rê tus tàm hìu, ua\ ngan ală hìu bơnhă tàm thôn ndrờm ngui dà sàng kloh do.

 100% gùng lòt bơh tiah tờm xã dê tus tiah tờm kơnhòal dê geh lă gùng chài halà lơh bê tông, gàr niam broă rơndeh dờng lòt rê bươn boài gùt nam. Gùng lòt tam [òn sàng goh, niam ngan, ờ gam [o\ lơmbè tàm kàl mìu tai, ờ gam bơta kơm buh tàm kàl prang tai sơl. Ală gùng lòt tàm ală xã ndrờm neh geh lơh bê tông jơh halà gùng ù lu\ bươn ngan tàm broă lòt rê, pơn diang phan kă bro. Kung bơh broă lơh jơnau kờ` do dê, dà lơgar neh lơh gùng tus tàm tiah lơh sa bơh làng bol in sơl. Ồng K’ Hữu ơm tàm xã Bảo Thuận, kơnhòal Di Linh, càr Lâm  Đồng chờ hờp đơs:

Dà lơgar dong kờl pria\ jền lơh gùng ai làng bol tàm [òn in mờ jơnau kờ` là làng bol bol a` in bươn tàm broă lòt rê, pơn diang phan lơh sa sươn sre tus tiah lơh sa, kă bro phan bơna bươn boài. Gùng lòt tàm ală thôn ndrờm geh lơh gùng ù lu\ ờ gam bơta [o\ lơmbè bè ngai lài tai, bươn ngan ai làng bol in lòt rê tàm trồ mang, ngan là broă lòt pơrjum tàm àng ndrim gờ`, kơ nờm broaă lơh gùng lòt geh pờ ơnàng ua\ tàm ală thôn.

Mpồng mut tàm thôn bơh xã [òn lơgar pa Bảo Thuận dê

Mờ ua\ ngan pria\ bơcri lơh tơr mù r[ah bơh ală broă lơh jơnau kờ` dà lơgar, bơh ală mpồl cau tàm tiah do dê, làng bol geh càn pria\ nàng bơcri pria\ lơh sa geh cồng nha. Tàm 3 nam do, làng bol xã Bảo Thuận neh geh Ngân hàng Chính sách xã hội ai càn rlau 14 tơmàn đong nàng bơcri lơh sa. Khà pria\ càn geh làng bol ngui di mờ jơnau kờ` tàm broă dong kờl bơtàu tơnguh lơh sa bè: phơng sih, sơn tìl phan tam, phan ròng neh cèng wơl cồng nha ngan ngồn ai ală hìu bơnhă r[ah in geh tu\ tơngai niam lik klàs r[ah. Nam 2017, gùt xã gam 252 hìu bơnhă r[ah, geh 17,1% tus lồi nam 2020, gùt xã mìng gam 30 hìu bơnhă r[ah, geh 1,86%. Tus tu\ do, pria\ lơh geh kờp bal tơl nă cau geh rlau 41 tơlak đong dùl nam.

Bal mờ bơtàu tơnguh lơh sa là tơrgùm bơt bơtàu rài kis niam chài, mpồl bơtìan ai làng bol in, bơ to bơtê geh tơnguh ua\, làng bol g^t sền sră ua\. Phan bơna gùng lòt, hìu bơsram, đèng, hìu niam chài thôn geh bơcri lơh dơ\ le\ bal, broă lơh bơt bơtàu Đảng, ală broă lơh Chính trị ngai sơlơ tơnguh, sền gàr dà lơgar, bơta lơngap lơngai kơ\ kơl jap.

Ồng K’Broh-Phó Chủ tịch xã Bảo Thuận, kơnhòal Di Linh, càr Lâm  Đồng pà g^t: kơ nờm lơh jat broă lơh jơnau kờ` dà lơgar bơt bơtàu [òn lơgar pa, rài kis ua\ ngan làng bol tàm ù tiah xã Bảo Thuận dê ngai sơlơ geh tơnguh, tàm hơ\ bơta g^t wă bơh làng bol dê bè lơh broă sa geh tơnguh loh làng, ờ gam bơta kơl dìng wơl tai.

Bơh broă lơh bơt bơtàu [òn lơgar pa tàm tiah do dê geh bơcri lơh gùng bê tông tàm ală thôn, gùng lòt ală thôn, bal mờ gùng lòt tàm ală mìr kơphê geh lơh pa jơh, làng bol geh dờp bơta kuơ bơh broă lơh gùng do ua\ ngan. Gùt xã, broă lơh [òn lơgar pa neh bơt bơtàu 2 nơm hìu pơrjum kờp mờ pria\ 600 tơlak đong, bơt bơtàu 21 [làng ìs phan mờ bê tông. Bè lơh broă sa, làng bol tàm xã neh lơh is ua\ ngan pơn ndrờm mờ tơngai lài mờ tu\ lơh jat broă lơh bơt bơtàu [òn lơgar pa, làng bol neh g^t tam gơl pa phan tam, phan ròng geh cồng nha ua\ tơmut tàm broă lơh sa, den rài kis phan bơna mờ nùs nhơm bơh làng bol tàm tiah do dê neh tam gơl ua\ ngan pơn ndrờm mờ lài do.

Tơ nơ\ mờr 10 nam lam lơh broă lơh jơnau kờ` dà lơgar bơt bơtàu [òn lơgar pa, xã Bảo Thuận, kơnhòal Di Linh neh lơh geh 19/19 broă jàu. Bồ nam pa 2021, Chủ tịch Ủy ban Nhân dân càr Lâm Đồng neh ki\ kơrnoat dờp xã Bảo Thuận là xã tơl khà [òn lơgar pa.

Cau cih K’ Brọp- Cau mblàng K’ Hạnh