VOV4.K’ho-Bi K’ Nễu deh nam 1978, cau K’ Ho ơm tàm xã Phú Hội, kơnhoàl Đức Trọng, càr Lâm Đồng kòn đời mè bèp bơh tu\ gam dềt, pal kis kơnờm mờ bơta ròng siam sền gàr bơh cau jơi nòi dê. G^t wa\ ngan bơta jơgloh r[ah, bơh tu\ gam dềt tơn, bi neh lòt lơh broă apah làm bă tiah nàng jòi phan sa, pràn kơldang ngan brồ guh. Bơh nùs nhơm mờ bồ tơngoh he dê, tus tu\ do, hìu bơnhă bi neh lơh geh hìu đam, phan bơna pas sơm ngan mờ geh uă ngan cau kơ\p kờ`.

Tàm hìu sơmang dờng jơnhoa niam bơne\ ngan, phan bơna tàm hìu geh tơl ngan tàm xã Phú Hội, kơnhoàl Đức Trọng, bi K’ Nễu pơndềt să ngan đơs: wơi, ờ go\ geh bơta lơi nàng bơto pơlam oh mi hơ\, mìng gi\t là lơh ngan ba` lời bơta jơgloh r[ah kơryan gùng he.

Lài do, jơgloh r[ah ngan bờh, mìng lơh kòi, lơh tơngời lơm. Jơgloh r[ah bàs sìl ngan, cau sền he ờ go\ sơ\p, he pal lơh ngan, pal tam gơl.

Kòn đời mè bèp bơh gam dềt, bi geh cau jơi nòi dờp ròng siam sền gàr. Bơh dì tu\ gam dềt tơn, bi neh tơryăng tơryồng ngan lòt lơh broă apah. Tus dờng mờ tơngơs hìu bơnhă, mờ bă ù bơh sơnrờp mìng bàr pe sào lơm, lơh kòi, lơh tơngời, ùr bơklau bi sùm gơtìp jơgloh r[ah. Jơh dùl hìu bơnhă pal lòt lơh broă apah. Tu\ gơnoar atbồ tiah do hòi jà tam gơl tờm chi tam, Mpồl cau lơh broă xã neh pờ uă ơdu\ bơto pơlam tam tờm chi tam pa lơh geh cồng nha uă, hìu bơnhă bi neh khin cha ngan dan càn priă tam gơl jơh mờ tam la ghim. Bơh tu\ hơ\, hìu bơnhă bi lơh geh priă jền, bi blơi mờ apah tai ù, rề ơnàng bă ù lơh sa. Tu\ do, hìu bơnhă bi geh pơgăp 20 lồ ù tam phan, tàm hơ\ geh bal ù hìu bơnhă mờ ù apah, tam la ghim mờ ală biăp bùm ală bơta. Bi K’Nễu pà gi\t tai.

Bơh dì tu\ tam gơl tam la ghim pơgăp 5, 6 nam do den a` neh lơh geh broă lơh ai rlau jơ\t nă oh mi tàm [òn lơgar in. A` tơm priă pah nhai, broă lơh geh sùm ai oh mi in. Geh oh mi den hơ\ sồng geh he, den tàng bè hơ\, a` kung ưn ngài jơh tơl nă cau neh dong kờl a`. Bơdìh hơ\ tai, a` kung dong oh mi tàm [òn càn priă ờ sa priă cồng, halà bơto yal wơl bơta mờng chài ai ală oh mi lơi in kờ`. Pah nam geh bơh broă lơh la ghim di pơgăp 2 tơmàn priă, priă jền do a` pơn jat tai bơcri tàm broă lơh sa, blơi tai ù nàng rề ơnàng bă ù tam phan.

Bi K’Bin là cau lơh broă apah sùm ai hìu bơnhă bi K’Nễu in, đơs bè do.

A` sền go\ bi hơ\ di ngan là krơh niam nàng bol oh đòm jat. Bi hơ\ lơh la ghim lơh geh broă lơh ai bol oh in. Tu\ tìp kal ke dan yòng dan càn bi hơ\ kung pà sơl dùl tơlak, bàr tơlak, tơnơ\ bol oh lòt tơm wơl mờ broă lơh apah bi in. Bi sùm lơh geh broă lơh ai bol oh in.

Bi Hà Thị Ty, dùl nă cau lơh broă tàm do pà gi\t loh làng tai.

Bi K’Nễu tàm do là cau geh uă ù lơh sa, bi lơh la ghim lơh geh broă lơh sùm ai bol a` in, priă lơh geh pah ngai pơgăp 200 rbô đong, lơh bơh 7 jiơ drim tus 4 jiơ 30 phuk mho pah ngai.

Bi Ha Nan Thamy, Kuang atbồ Mpồl cau lơh broă sa xã Phú Hội, đơs ngan bè do, bi K’ Nễu là krơh niam pơnrơ ngan sơrlèt gan kal ke lơh pas nàng làng bol in đòm jat bal.

Di lah đơs is tàm xã Phú Hội do den cau kòn cau neh lùp bơsram geh bơta mờng chài gơguh jak tàm broă lơh sa, tàm hơ\ pơnrơ ngan geh bi K’Nễu neh geh bơta lơh ngan sơrlèt gan. Bi neh git ngui ală bơta gi\t wa\ lùp bơsram geh bơh ală broă lơh tam phan geh cồng nha uă tơnơ\ hơ\ rê đòm jat tàm bă ù lơh sa hìu bơnhă dê. Bi neh gi\t tam gơl chi tam cèng wơl cồng nha lơh sa uă. A` kơ\p kờ` ngan làng bol [òn lơgar đòm jat krơh bi K’ Nễu dê nàng tam gơl rài kis he dê, pơgồp bơnah bal mờ [òn lơgar ngai sơlơ bơtàu tơnguh lơh sa- mpồl bơtiàn.          

Lơh sa jak, dong kờl geh uă cau bơtàu tơnguh bal lơh sa, bi K’Nễu geh ală kấp ală gah jờng rơ. Gơnoar atbồ tiah do kung ờ dùl êt dơ\ jà bi tus lơh broă tàm Mpồl cau ùr, Mpồl cau lơh broă sa, mơya bi pơndềt să ngan ờ bài. Bi đơs là, bulah lơh broă lơi mờ he gơtùi dong kờl geh oh mi he den kung là neh pơgồp bơnah bal mờ [òn lơgar bơtàu tơnguh lơh sa- mpồl bơtiàn.

Cau mblàng Lơ Mu K’Yến