VOV4.K’ho- Di dơ\ tơngkah 94 nam Ngai Sră báo Kăc màng Việt Nam, drim òr 20/6, ồng Sơn Minh Thắng, Bí thư Đảng ủy gah ală anih lơh broă dà lơgar neh lòt còp mờ chờ gờm Anih Jơnau đơs Việt Nam. Pơyua jơnau chờ gờm tus mờ jơh ală kuang bàng, cau lơh báo, cau lơh broă măy mok bơh Anih Jơnau đơs Việt Nam dê, ồng Sơn Minh Thắng đơs niam ngan ală tă pơgồp bơh Anih Jơnau đơs Việt Nam dê tàm tơngai do tàm broă lơh bơ\t bơtàu Đảng đơs is, broă lơh bơtàu tơnguh dà lơgar đơs bal.

Ồng sồr Anih Jơnau đơs Việt Nam sền dờng màng broă mblàng yal drơng Pơrjum dờng Đảng ală kấp wèt tus Pơrjum dờng Đảng gùt lơgar dơ\ 13; pơn jat tai jat sền ngan ngồn ală broă gơlik geh pah ngai duh hồl bơh dà lơgar dê, tam gơl pa, tơnguh uă rlau tai bơta niam mblàng yal jơnau, di tu\ ai gùng dà broă lơh bơh Đảng, kơrnoat boh lam dà lơgar dê yal mờ làng bol in; yal wơl di tu\, song dơ pă mờ geh nùs nhơm pơlam gùng dipal, lơh geh jơnau kờ` bơtàu tơnguh bơh mpồl bơtiàn dê mờ jơnau kờ` yal tơngi\t jơnau bơh làng bol dê.

Cau mblàng Lơ Mu K’Yến