VOV4.K’ho – Drim òr 31/5, Bí thư Huyện ủy mờ Chủ tịch UBND kơnhoàl Đăk Glei, càr Kon Tum bơyai lơh tìp mat, cribơyai mờ làng bol tàm kơnhoàl. Tàm dơ\ tìp mat, geh 12 jơnau đơs, jơnau dan bơh làng bol dê pơyua tus kấp ủy Đảng, gơnoar atbồ kơnhoàl Đăk Glei, tơr gùm tàm ală bơta geh sền gròi uă, bè: tơm priă ai ù broă lơh hìu mai\ pờ tơlik ồs đèng tàm xã Đăk Choong; gùng lòt gơl bơh xã Đăk Man mut tàm xã Đăk Blô gơtìp ờ diơng kơn jơ\ ngan; ală broă tam pìt tam phà ù tiah jo\ jòng; bơta sơ gràm tiah kềng gah gùng tàm xã Đăk Pék mờ thị tấn Đăk Glei…

Mò Y Ngọc – Bí thư Huyện ủy Đăk Glei mờ ồng Hoàng Trung Thông - Chủ tịch UBND kơnhoàl bal mờ kuang đơng lam bồ ală gah lơh broă geh gơnoar neh cih dờp, hơ lơh loh ală jơnau đơs, jơnau dan bơh làng bol dê. Gơ wèt mờ ală broă gơ rềng tus gơnoar kuơ dipal bơh làng bol mờ ngap lơngai ờ do ờ dă tàm [òn lơgar dê, ală kuang đơng lam bồ kơnhoàl Đăk Glei đơng lam ală gah lơh broă geh gơnoar mhar kờp sền, bơsong jơh di mờ jơnau cih bơh adat boh lam dê.

Cau mblàng K’Duẩn