VOV4.K’ho- Ngai 29/10, ồng Bùi Văn Cường, Ủy viên Đảng dà lơgar, Bí thư Tỉnh ủy Dak Lak neh tus còp, dong kờl ală hìu bơnhă gơtìp hoàc huơr tài gơ rềng bơh mìu càl rơbu\t dờng sồ 9 mờ broă lơh bơsong bơta gơ lời wơl tơnơ\ dơ\ mìu càl tàm ală kơnhoàl M’Drak, Ea Kar mờ Krông Pach.

     Bí thư Tỉnh uỷ Dak Lak ồng Bùi Văn Cường pơn dờm pơn điang hìu bơnhă gơtìp hoàc huơr tài mìu càl rơbu\t dờng sồ 9 

Jat Mpồl đơng lam rcang sơn dră trồ tiah lơh aniai mờ lòt jòi dong kờl rềs àr càr Dak Lak yal, mìu càl rơbu\t dờng sồ 9 neh lơh 1 nă cau chơ\t, 6 nơm hìu làng bol gơtìp gơ pồ rơkàng, 4 nơm hìu bơsram gơ pồ rơkàng, gơ par k[àng, tơrlah pơng gàr mờ geh rlau 1 rơbô lồ phan tam ală bơta gơtìp aniai.

Tàm ală tiah neh tus, Bí thư Tỉnh ủy Dak Lak neh lùp còp, pơn dờm pơn điang ală hìu bơnhă, mpồl lơh broă gơtìp hoàc huơr kơn jơ\ tài gơ rềng bơh mìu càl rơbu\t dờng sồ 9. Mơ kung đơng lam Phòng Lao động, Thương binh mờ Xã hội ală kơnhoàl di tu\ lơh jat broă lơh dong kờl tài bơh trồ tiah lơh aniai jat mờ jơnau sồr. Ală mpồl lơh broă geh gơnoar sơm bat tê bal bơsong bơta gơ lời wơl tơnơ\ dơ\ mìu càl rơbu\t dờng.

Cau mblàng K’ Hạnh