VOV4.K’ho-Bi Y Xay (50 sơnam), cau Sơdàng, ơm tàm thôn Điêk Lò 1, xã Ngọc Tem, kơnhoàl Kon Plông, càr Kon Tum là dùl tàm ală cau ùr kòn cau pơnrơ tàm bơtàu tơnguh lơh sa hìu bơnhă tàm càr Kon Tum dê. Bơh bơta pràn lơh broă mờ bơceh pa bơh he dê, bi neh bơ\t bơtàu broă lơh bơtàu tơnguh lơh broă sa sươn sre bal mờ li la ngan chi tam, phan ròng tàm bă ù kal ke. 

Bi Y Xay deh tàm ală nam nhai tam lơh mờ Mỹ dờng ngan, gar phàu, gar mền gar năt lơh aniai jơh [òn lơgar, sre mìr, rài kis làng bol dê rơnhah rơnhơ, jơgloh r[ah sùm gùt nam. Tơnơ\ nam 1975, tu\ dà lơgar tơrgùm dùl, làng bol Ngọc Tem chờ hờp lơh broă lơh sa, bơ\t bơtàu rài kis pa bơh ală bơta bòl glar kal ke.

Bi Y Xay đơs bè do: Lài do, rài kis hìu bơnhă a` dê kung bè làng bol tàm thôn dê gam tìp uă ngan kal ke. Nam 1988, tu\ a` tơngơs hìu bơnhă, jơtài ùr bơklau dê mìng geh dùl nơm hìu mpìr, hìu ja lơm, piang ờ geh nàng sàu, àu ờ geh nàng soh. Geh gơnoar atbồ tàm do dong kờl, a` lơh ngan klàs bơh r[ah bơh bơta pràn lơh broă bơh să tờm a` dê. A` bơsram mờ lơh jơh, ròng iar, ròng sur mờ rồ ù, rề ơnàng bă ù lơh sa, tam geh 3 lồ bùm blàng mờ 5 sào chi keo. Rơhời, priă lơh geh pah nam kung mìng tơl priă tă dơ\ ngui sa pah ngai mờ ròng siam oh kòn lòt bơsram.

Jơnau yal mìng dùl êt lơm bè hơ\ mơya là jơh dùl tu\ tơngai jo\ jòng tềm pềr, lơh broă rlau 10 nơm. Tus nam 2008, tơnơ\ mờ tu\ tềm pềr geh dùl êt priă jền, bi Y Xay lơh nền rề ơnàng bơcri priă tam 3 lồ rơmi\t lơh sơnơm. Tơnơ\ 1 nam, kàl tơnhàu bơh sơnrờp, bi neh lơh geh rlau 70 tơlak. Hìu bơnhă bi pơn jăt tai rề ơnàng lơh sa bơcri priă tam rơmi\t nàng lơh geh tai priă jền, bơtàu tơnguh bơta niam tàm rài kis.

Bal mờ tam phan, hìu bơnhă bi Y Xay gam ròng tai 100 nơm iar mờ ada, 8 nơm kơnrồ mờ ngui dùl bă ù sươn hìu bơh ngkời tam biăp sa bơkah, ală bơta khuah rbài, tơngời nàng lơh geh tai phan sa bơkah tơl pràn ai dơ\ sàu sa pah ngai bơh hìu bơnhă dê, mơkung lơh geh phan sa ai hìu bơsram kấp dùl ơm sa ngai bơh xã dê in tai. Kơnờm bơh hơ\, tơnơ\ tu\ kờp jơh priă tă lơh, hìu bơnhă bi lơh geh priă cồng rlau 100 tơlak pah nam, pơgồp bơnah kơ\ kơl jăp rài kis hìu bơnhă mờ geh tai priă jền nàng ròng siam 4 nă kòn bơsram. Tus tu\ do, hìu bơnhă bi dê neh geh dùl nơm hìu kấp 4 kơ\ kơl jăp, geh bềng tơl phan ngui tàm rài kis pah ngai.

Bal mờ broă kơlôi rcăng tàm broă lơh sa, bi Y Xay gam là dùl nă đảng viên lơh krơh niam. Tàm rài kis, bi sùm ơm kis rềp mềl, kis gơ sòr bal, tam klac bal mờ gơ\p [òn; sền gròi, tam pà bal ală mờng chài tàm bơtàu tơnguh lơh sa mờ làng bol lơh broă sa. Đơs bè bi Y Xay, ồng Trần Văn Thiện, Chủ tịch UBND xã Ngọc Tem pà gi\t, bi Y Xay ngan ngồn là dùl krơh niam pơnrơ tàm bơtàu tơnguh lơh sa hìu bơnhă, pơgồp bơnah lơh jăt geh cồng nha Broă lơh bơ\t bơtàu [òn lơgar pa bơh xã dê.

Cau mblàng Lơ Mu K’Yến