VOV4.K’ho - 30 nam bơ\t bơtàu mờ gơs dờng pràn tàm ù tiah Tây Nguyên, sơlèt mờ ală kal ke bơh ngai sơnrờp crơng gơs, Binh đoàn 15 (Gah sền gàr dà lơgar) dê neh lơh ngan lơh gơs jăk chài kơnòl tơnguh bơtàu lơh sa, tơnguh broă sền gàr bơta lơngăp lơngai dà lơgar tàm tiah nhàr dà lơgar bơh 2 càr Gia Lai mờ Kon Tum dê. Neh sơlèt 30 nam, pơgồp broă tơnguh bơtàu bơh Binh đoàn dê là broă hờm ram làng bol ală kòn cau kis tàm tiah nhàr dà lơgar. Jơnau yal bơh cau ai tơng^t jơnau đơs VN dê.

Nùs nhơm niam loh làng ngan bơh cau ling wa Hồ tàm tiah nhàr dà lơgar bơh 2 càr Gia Lai mờ Kon Tum là bơta tơlir niam tòm cao su dê. Mờr 30 nam lài, gah sền gàr dà lơgar geh gùng dà kờ` tơnguh bơtàu tòm cao su tàm tiah nhàr dà lơgar đah măt tơngai mu\t dà lơgar dê. Ală cau ling lơh sa Binh đoàn 15 dờp kơnòl mờ neh lơh gơs jăk chài broă geh ai là tơnguh bơtàu lơh sa pơgồp mờ gàr niam bơta lơngăp lơngai dà lơgar. Dùl gùng nhàr dà lơgar jòng g^t nđờ rơhiang kơi sồ sùm geh gàr niam mờ làng bol tu\ do neh geh rài kis hờm ram tài kơnờm bơh tòm cao su, kơnờm mờ broă lơh cau ling wa Hồ dê. Ồng Rơ Mah Hin, kòn cau Jarai, kuang atbồ [òn Chan, ntum Ia Pnôn, kơnhoàl Đức Cơ pà g^t, tơnơ\ mờr 30 nam bal mờ cau ling bơyai lơh mus pès ù tam cao su, rài kis làng bol 200 hìu tàm [òn Chan neh tam gơl. Ồng Rơ Mah Hin chờ hờp đơs tai: “Ờ hềt lơh cao su den làng bol kal ke ngan. Tu\ neh lơh cao su, neh geh hìu ơm, geh rơndeh Honda đì, tơnguh bơtàu lơh sa, lơh tơl sa. Ồs đèng, hìu bơsram, hìu sơnơm tu\ do neh geh jơh lơm, oh kòn geh lòt bơsram tơl”.

Kờ` làng bol tàm tiah nhàr dà lơgar geh tam gơl bơhiàn lơh sa bơh broă mus mìr, tùc kòi tus mờ broă tam phan jo\ tơngai, lơh broă jăt broă lơh sa mờ măy mo\k là ờ tu\ lơi [uơn. Broă lam sồr geh lơh jăt sùm. Mờbơta krơi is geh gal làng bol kòn cau ơm kis, ală cau jăk chài lam lài tàm ală [òn geh rơwah kờ` bơto bơtơl mờ tơmu\t Đảng. Tơnơ\ mờ hơ\ gơs là cau kờ` lam sồr làng bol. Ồng Kpuih Mực, lơh broă tàm anih lơh sa kă bro cao su, cau geh đảng sơnrờp ngan tàm [òn Chan, ntum Ia Pnôn, kơnhoàl Đức Cơ đơs: “A` sùm đềt mềr mờ ală cau lơh broă, đềt mềr mờ làng bol kờ` tơnguh bơtàu lơh sa, bơ\t bơtàu [òn lơgar, mpồl lơh broă tơnguh bơtàu”.

Binh đoàn 15 tu\ do neh tam geh rơlao 42 rơbô lồ cao su, geh di pơgăp 400 lồ kơphe geh lơh jăt gah nhàr dà lơgar rềp mờ lơgar Campuchia bơh 2 càr Gia Lai mờ Kon Tum dê. Bơh tu\ hơ\, lơh gơs 6 mpồl [òn jăt gah nhàr dà lơgar, hòi jà geh rơlao 17 rơbô nă cau lơh broă, tàm hơ\ geh mờr 7 rơbô nă cau lơh broă là oh kòn làng bol kòn cau tàm do. Dùl tiah nhàr dà lơgar đah măt tơngai mu\t dà lơgar dê gam gơs ală `jrong tơlir mờ ală suơn ca su, kơphe hòn tơlir niam. Bơrlu\ bal tàm ală suơn cao su, kơphe hơ\ là ală [òn pas gơs pràn kơl dang.

Kờ` làng bol, gơp bơyô mờ ală cau ling git loh rơlau tai bè bơ\t bơtàu 30 nam bơt bơtàu, dờng pràn mờ rơndăp broă lơh mờr tus bơh Binh đoàn 15 dê gơwèt Gah sền gàr dà lơgar, cau ai tơngit jơnau đơs Việt Nam tàm Tây Nguyên neh geh jơnau lùp jơnau Thiếu tướng Đặng Anh Dũng, kuang atbồ đơng lam Binh đoàn do.

- Dan Thiếu tướng ai git ală cồng nha geh pơnrơ bơh Binh đoàn 15 dê tàm tơngai 30 nam bơt bơtàu mờ bơtàu tơnguh?

30 nam do, tềng đap bơta đơng lam bồ bơh mpồl đơng lam Đảng ling klàng dà lơgar, gah sền gàr dà lơgar bal mờ broă lơh ngan bơh ală rơnàng kuang bàng, cau ling, cau lơh broă, tus tu\ do, kuang bàng, cau lơh broă bơh Binh đoàn 15 dê neh geh rơlau 42 rơbô lồ ù tam phan jat tiah nhàr lơgar bơh 2 càr Gia Lai mờ Kon Tum. Pa do, mpồl ling geh bơcri priă tam kau su tus lơgar Lào mờ lơgar Campuchia mờ geh rề ơnàng bơcri priă tus càr Quảng Bình. Gàr niam ai geh broă lơh rơlau 17 rơbô nă cau in, mờ priă lơh geh bơh 6 tơlak 500 rơbô tus 8 tơlak tàm 1 nă cau tàm 1 nhai.

Ală cồng nha mờ Binh đoàn do lơh geh ờ hềt jat bè bơta kơp kờ`, mơya 30 nam do, làm gùt ù tiah mờ Binh đoàn lơh broă, rài kis bơh cau lơh broă, ngan là làng bol kòn cau tiah nhàr dà lơgar neh geh tam gơl, bơtàu tơnguh niam ngan. Phan bơna kung geh bơcri ring bal. Jơh ală pôs ling ndrờm geh hìu sơnơm làng bol ling klàng pơgồp bal, geh y bác sĩ sền gròi pràn kơl dang să jan cau ling, cau lơh broă mờ làng bol tàm tiah mut lơh rơndap broă in. Ală hìu bơsram kung geh bơcri dipal.

- Là pôs ling sền gàr dà lơgar lơh sa, lơh broă tàm ală càr Tây Nguyên, dan Thiếu tướng pà git broă lơh pơgồp bal mờ gơnoar atbồ tàm [òn lơgar tàm bơtàu tơnguh lơh sa mpồl bơtìan mờ mpồl ling lơh broă?

Tàm broă mut lơh kơnòl, mpồl ling sùm pơgồp bal mờ kơnă Đảng, gơnoar atbồ, làng bol tàm [òn lơgar nàng pơgồp bal mut lơh kơnòl he dê. Mpồl ling sền kơnòl bơtàu tơnguh lơh sa mpồl bơtiàn [òn lơgar dê là kơnòl gùng dră bal bơh he dê. Broă lam sồr làng bol neh geh bơta bơceh pa, broă lơh tam klac bal. Mpồl ling tam klăc mờ càr, kơnhoàl, mpồl lơh sa kă bro tam klac mờ kơnhoàl, ntum; mpồl lơh broă sa den tam klăc mờ [òn lơgar. Kuơ màng, bol a` bơtàu tơnguh broă lơh cau lơh broă là cau yoan mờ làng bol kòn cau tàm [òn lơgar. Broă lơh do bơtàu tơnguh niam ngan mờ lơh geh cồng nha. Bol a` go\ là, di lah geh làng bol, gơnoar atbồ dong kờl, ring bal, Mpồl Đảng, gơnoar atbồ tàm [òn lơgar dong kờl den ờ geh broă lơi là ờ gơtùi lơh, ờ geh broă lơi là ờ lơh geh cồng nha.

- Tơngai 30 nam bơh Binh đoàn 15 dê geh dờp uă cồng nha pơn yờ să ngan bơh mpồl ling khin cha jak chài tàm tơngai tam gơl pa. Mơya kung pal git là, tàm tơngai tu\ do, ngan là tàm tu\ khà priă bơ sơt cao su gam gơmù lơyah mờ đơs lài di gơlan gam jo\ jòng den broă lơh bơh mpồl ling dê tus mờ bơta do bè lơi nàng tă bơsong kal ke, gàr kơ\ mờ bơtàu tơnguh mpồl ling?

Lài ngan, mpồl ling pal rơndăp tap sèng wơl tơl làm bơh broă bơyai lơh, mpồl cau lơh broă tus gah broă lơh mơ kung pal sền wơl să tờm he. Jat a`, khà priă bơ sơt kau su gơmù uă là bơta lòng mơya kung là bơta buơn. Lài ngan là kờ` he go\ là, mpồl lơh broă tu\ do ờ hềt drơng jat jơnau kờ`. Dơ\ 2 là pal git hui\ cồng nha lơh geh, nàng sền tàm bơta geh ngan. Kờ` rơndap tap sèng wơl den mpồl ling gam tơr gùm kờp sền wơl mpồl cau lơh broă biên chế, ai tơlik wơl khà biên chế. Pơnjat hơ\ là pal mut ngui li la chi tam, ờ mìng tam tờm cao su, den kal ke ngan. Nùs nhơm là tiah lơi cao su neh kra, gơtùi kơl sang, go\ dipal den tam kơphe tàm tiah hơ\. Dơ\ 3 là di lah buơn den kung tam nhơ\t nàng ròng kơnrồ. Tu\ do gam mut lơh 2 mpồl ròng lài, ròng jat broă lơh mờ măy mok, tềng đap mat là ròng kơnrồ lơh poăc, tơnơ\ do geh tai bơta buơn den rề ơnàng tai. Bal mờ hơ\, geh tam tơlòng ờ uă bơta chi tam bè tờm sơnơm, ờ uă tiah gơtùi tam tiêu lơh bè lơi tàm dùl bă ù gơtùi lơh geh cồng nha rơlau. Bal mờ hơ\, tu\ do mpồl ling geh ờ uă bă ù tam cao su neh tus tơngai kơl sang, neh kra den geh sền nàng lơh ală anih lơh dơm chi tac hờ lơgar ndai, ngui dơm chi cao su neh kơl sang, ngui ală phan sang nàng lơh gơs pơnai, drơng jơnau kờ` tàm ală lơgar bơtàu tơnguh.

Bơta kuơ màng ngan rơlau jơh là lơh bè lơi bơh mpồl đơng lam tus cau lơh broă pal git mpồl ling bơtàu tơnguh, den rài kis hơ\ sồng bơtàu tơnguh. Bơta do kờ` geh bơta ring bal bơh mpồl Đảng, đơng lam bồ mpồl ling tus cau lơh broă. Rơlau mờ hơ\, broă lơh do geh cồng nha, mpồl ling bơtàu tơnguh, den geh bơta gơ hòi, bơta gơ rềng tus rài kis mpồl bơtìan tàm tiah mpồl ling lơh broă. Kuơ màng, đơs tờm broă lơh pơgồp bal lơh sa mờ sền gàr dà lơgar bơh mpồl ling dê.

- Ơi, ưn ngài ồng uă ngan.